Shillong, Nailar 6: Kum shi bynta ban buddien iaka jing dawa jong ka East Jaintia National Council (EJNC) – Sumer Circle , ban Maramot bad ban Siangrong noh ia u Surok ba iaid lynba ki saw tylli ki Shnong kiba kynthup iaka Pala,Kseh,Muknoor bad Khahnar.
Kine ki shnong ki hap hapoh jong ka Elaka Sumer, naka liang ka EJNC – SC , kala Lum daka jingialang iaki Nongialam Shnong & Elaka ban ia shong pyrkhat halor ka jing shah ieh khunshwet jong ka thaiñ khamtam ha kaba iadei bad ka jingsniew Palat jong u Surok uba iaid lyngba ki 4shnong.
Ia katei jingialang la pynlong ha Community Hall, ka shnong Samasi bad la pyniaid iaka jingialang da u Bah Sakilan Chyrmang, President EJNC – SC, bad la iashimta da u Bah Sambormi Lyngdoh , President EJNC – CEC, Ma Khmihlynti Mannar , Acting Sirdar , Elaka Sumer.
Kiwei kiba la ia don lang ha kane ka jingialang ki long u Ma Shemphang Pakem,Waheh Shnong Pala, Ma Leo Pasleiñ, Waheh Shnong Khahnar, Ma Starship Pasleiñ, Waheh Shnong Kseh , Ma Kynmo Chyrmang, Waheh Shnong Samasi bad u wei naki Nongialam Niam katei ka thaiñ.
Na kaliang kiba ia shim bynta ha katei ka jingialang naduh u Acting Sirdar Ekaka Sumer, haduh ki Waheh Shnong, Ki Nongialam Niam kila pynpaw bad haduh kine ki Sngi kim pat juh shongthait ban buddien bad ban pynsngew shaki Nongmih khmat jong kane ka Thaiñ halor ka jingeh kiba ki paitbah ki ia tyngkhuh namar ka jingsniew palat u Surok.
Kiba iaid iaid lyngba kane ka surok ki long ki saw Shnong Pala , Kseh, Khahnar & Mooknor, bad kila juh pynpaw ruh shaka Tnat PWD baki kloi ban ai Jaka ei lada donkam naka bynta ban Maramot bad ban Siangrong ia utei ka Surok.
Kiba wan sha kane ka jingialang kila ong ka long kaba Sngewsih ka long ba haduh mynta kane ka jing angnud jong ki Nongshnong Shnong ban ioh noh ia u Surok u ba bha ba miat kadang sah tang haki jing ia kren.
Naka bynta ban Pynkhlaiñ iaka jingdawa nakaliang ki Nongiashimbynta ha katei ka Jingialang kila ai jingmut iaka EJNC – Sumer Circle, ban pynlong noh daka Rynsan Ia Phylliew jingmut da kaba khot lang iaki MLA,MDC, ki Synjuk Waheh Shnong, Ki Nong Shynshar Elaka.
Ka seng kan khot ia ki Nongialam Niam bad kiwei kiwei, na kaliang ki Nongialam jong ka EJNC – SC, kila pynpaw ba kin sa khot daka jingialang kaba kyrpang ban pyrkhat halor kane ka Phang ba kila ai jingmut.
