Shillong, Nohprah 24: Ka Deputy Commissioner jong ka East Khasi Hills District kala khot ia ka jingialang ka ban long ha ka 3/Kyllalyngkot/2025 ban ia kren halor ka jingtyrwa ban long ia ka jingleit iaid riewblei sha krem Mawjymbuin ha Mawsynram.
Ka jingkhot ia kane ka jingialang la khot da ka DC kaba dei ka shnongknor jong ka District Level Committee, ka ban sumar ban peit ha kaba ia dei bad ka krem Mawjymbuin kaba don ha Mawsynram, ka jingialang kan long haophis treikam ka DC.
Kiba la shah khot ha kane ka kommittee, ki long u Superintendent ki Pulit ka East Khasi Hills District, Chief Engineer PWD ba dei ia ka surok, Additional Deputy Commissioner ba dei peit ia ka Municipal, u Divisional Forest Officer ka SF Division.
U member secretary ka Meghalaya State Pollution Control Board, Block Development Mawsynram C&RD Block, Tourism Officer ka East Khasi Hills District, Rangbah Shnong Dorbar Mawsynram bad u General Secretary ka Puja Central Committee.
