Shillong, Nohprah 16: Ka Estimate Kommittee ka Meghalaya Legislative Assembly hapoh ka jinglong shongknor u bah Mayralborn Syiem MLA u la khot ia ka jingialang ia ki saw tylli ki tnad sorkar ba ka bynta ban jurip ia ki kam pynroi kaba ki pyntrei.
Ki saw tylli ki tnad sorkar kiba la khot sha kane ka jingialang mynta ka sngi ki dei ka tnad ka Pule puthi, ka tnad sam umbam umdih, ka tnad ka koit ka khiah bad ka tnad pynroi nongkyndong, kane ka jingkhot ia ki ka long ban kylli haduh katno ki kam pynroi ba pyntrei kila iaid.
Ki dkhot jong kane ka kommittee kiba la don lang ki long, u bah Renikton Lyngdoh Tongkhar, u bah Adelbert Nongrum, u Remington Gabil Momin, ubah Wailadmiki Shylla, ka Miani D Shira baroh ki dei ki MLA ha kaba ki ophisar ka iing dorbar thawain kila don lang.
Ha kane ka jingialang, na ka liang jong ka kommittee kila ia kren ia ka jingtrei kam jong ki lai tylli ki Block Institutes of Teacher Education (BITE) bad residential schools. Ha kane ka jingialang la kyntu ia ka tnad pule ban pyndep noh ia ki Eklavya Model Residential Schools (EMRS) ha Ri-Bhoi bad East Garo Hills by 2025.
Haba ia dei bad ka tnad sam umbam umdih la la iakren ban nym don kano kano ka jingpynthud ha kaba pyntreikam ia ka skhim Jal Jeevan Mission (JJM) ha ki shnogn kiba don ha khappud badla bthah ba kan ai ia ka kaiphot sha ka kommittee.
Haba ia dei bad ka tnad ka koit ka khiah la iakren ia ka jaka sumar Maternal bad Child Health (MCH) hospitals ha Nongstoin bad Umsning khnang ban dup lah ban pyntrei kam ia ki ha u snem 2025, ha ka juh ka por la ia kren ban pynbha ia ki jaka ai jingsumar ha ki civil hospitals, Primary Health Centres (PHCs), bad Community Health Centres (CHCs).
Haba ia dei bad ka tnad pynroi nongkyndong la ia kren ia ka jingpyntrei ia ki ophis jong Block Development Officer (BDO) kiba thymmai bad la ioh jingpynshai bala lah ban pyndep 70-80%. Ka kommittee kala bthah ban pyndep ia kine ki jignshna ha ka por kaba biang.
U shongknor ka kommitee u bah Mayralborn Syiem u la pynpaw ia ka jingsngewkmen ka jong u ban tip ba bun na ki skhim kiba la pyntrei ki iaid beit bad khmih lynti ban iaid beit ha ka jingpyntrei ia ki.
