Shillong, Jylliew 03: Ka National Career Service Centre na ka bynta ki SC/ST, (Tel 03652-220020) hapoh ka tnat labour bad Employment, DGE, Sorkar India, ka dang khot ia ki jingtyrwa na ki Kynhun bad Jaka Treikam na Jowai, Meghalaya ban pyntreikam ia ka skhim ba bei tyngka da ka Directorate General of Employment (DGE).
Kane ka long na ka bynta ka Special Coaching Scheme hapoh ka Shorthand ia 80 ngut ki kandidet SC bad ST haduh ka 1 tarik u Naitung 2024. Ki Kynhun bad Jaka Treikam kiba don jingmut ban leh ia kane ki dei kiba lah biang lut ki jingdonkam kum ki nongai jinghikai ba la tbit, ki jingdon jingem ba ai jinghikai, ka jaka pyntreikam bad kiwei kiwei.
Ki jaka treikam ba shah jied kin ai jinghikai ha ka (1) General Awareness (2) General English, (3) Numerical Ability, (4) Shorthand and Typing, bad (5) Basic knowledge in Computer (theory & practical) khnang ban pynkup bor ia ki khynnah SC bad ST jong ka jylla Meghalaya kiba dang wad kam ha kaba kin long kiba la khreh ban ialeh ia ki Competitive Examination.
Ki jaka treikam ba shah jied kin ioh ka jingsiew kaba T. 1200/- na ka bynta man u shah hikai ba ki don, man u bnai. Ki jaka treikam bad ka kynhun ba don jingmut ki lah ban thep ia kane lyngba u Sub-Regional Employment Officer, National Career Service Centre for SC bad ST,) District Employment Exchange Office building, West Jaintia Hills District, Jowai, Meghalaya ha lane shuwa ka 12 tarik u Jylliew 2024.
Ki application form ki don ha ka NCSC-DA, DGE, MoLE, Third Floor, DECT Building , Keating Road, Shillong, Meghalaya.(Mail ID: cgc.jowai@gmail.com, Phone (O)-0364-2914127)
