Khot pakhang shnong ka HNLC ha ka Republic Day

Shillong, Kyllalyngkot 22: Ka seng Hynniewtrep National Liberation Council mynta ka kynti ruh ka la khot biang ia ka pakhang shnong naduh ka 25 tarik haduh ka 26 tarik mynta u bnai ban pyrshah ia ka jingrakhe ia ka Republic Day. Ka por pakhang shnong kan long naduh ka por 10 baje mynmiet jong ka 25 tarik haduh ka por 6 basje jan miet jong ka 26 tarik mynta u bnai.
Ha ka kyrwoh kaba la phah da u publicity secretary jong ka seng la ong ba ka seng ka pyrshah jur ia kane ka jingrakhe jubor ia kane ka sngi. Na ka liang jong ka seng ka khot ka wer ia ki paidbah ba kin ia shnoh kti lang bad ka seng ha kane ka jingkhot ia ka Pakhang shnong.
Ha ka juh ka por na ka liang jong ka seng ka la pynpaw shai ba la shah ia kiba leit jingiaseng, ki kali Ambulance bad ia ki dkhot jong ki nongthoh khubor.