Shillong, Rymphang 09: Mynta ka sngi u Dr. Andrew Simons Commissioner bad Secretary ka iing dorbar thaw ain ka jylla u la pyntip ba u Lat ka jylla u Satya Pal Malik u la khot ban pynlong ia ka dorbar mang tyngka jong u snem 2022-2023 ka ban sdang ha ka 4th Lber 2022 u bnai ban wan.
Katkum ka bor kaba la pynkup bor hapoh ka kyndon (I) ka riti synshar kaba 174 jong ka Riti Synshar ka Ri India u Lat jong ka jylla u la khot ia ka iing dorbar jong ka jylla ban long ha ka por 10.00 baje mynstep ha ka 4th Rymphang 2022, ha ka iing dorbar ba shipor ha Rilbong.
Ban kdew ba u Myntri Rangbah ka jylla u Conrad K Sangma u la ong ba ka sorkar kala phah da ka jingthoh sha u Lat ka jylla ban khot ia ka jingiashong dorbar ka iing dorbar thawain ka jylla ha kaba mynta ka sngi la pynmih ia ka jingpynbna sorkar.
