Shillong, Jymmang 22: Ha ka por shiteng synia mynta ka step sngi u blei ka tnum jong ka Assembly kaba thymmai kaba dang shna ha Mawdiangdiang kala khyllem bad kane ka jingkhyllem kala pynkyndit ia ki ba bun balang.
Haba ia dei bad kane ka jingkhyllem ka Dome kaba la dep ban tynrong ha tnum jong ka iing dorbar thawain ba thymmai jong ka jylla ha Mawdiangdiang la ioh sngew ia ka jingsawa da ki briew kiba don sawdong katei ka jaka bad kala pynkyndit ia ki paidbah.
Haba ia dei bad kane ka jingjia na ka liang jong ki bor ba halor jong ka iing dorbar thawain ka jylla kila ki ruh kila ioh ia ka jingtip ha kaba ia dei bad kane ka jingkhyllem ka Dome jong ka iing dorbar thawain kaba shna ha Mawdiangdiang.
Naka liang jong ka iing dorbar thawain ka jylla kala buh ia ka thong ban pyndep ia kane ka iing dorbar ba thymmai ha kaba kut mynta u snem 2022 bad ka jingtei ia kane ka iing dorbar kaba thymmai ka jingmang pisa kala kot sha kaT.145 klur tyngka.
Kat haduh ba thoh ia kane ka khubor halor kane ka jingkhyllem ka Dome ym pat ioh kano kano ka khubor na ka liang jong ka PWD building lane na ka liang jong ki bor jong ka iing dorbar thawain ka jylla bad ha kane ka jingjia ym pat ioh jingtip ba kan don ka jingjia kaba sngewsih.
