Shillong, Jymmang 28: Ka jingkhyllem u Mobile Tower ba la pynieng ha jan jong ka Jawaharlal Nehru Stadium ha Polo ha ka sngi sngi nyngkong u la khyllem bad leit hap sha shiliang ka Wahumkhrah bad pynjot ia ka painkhan.
Kiba shong ha Saw pherlong ha jan ba khyllem u Tower Mobile, kila kynnoh ba ka jingkhyllem u Tower dei na ka jingtih thliew ha trai jong u Tower bad namar kane ka jingslap kaba jur kala pynlong ba ia ka khyndew kan jem bad kane kala pynllong ia u Tower ban khyllem.
Kila iathuh ba kane ka jingkhyllem jong u Tower kala jia ha ka por kumba 11, baje mynmiet haba kiba bun ki dang bam ja bad haba kila ioh sngew ia ka jingsawa kaba jur bad haba kila peit u tower ba don ha jan ja JN Stadium u la khyllem bad hap sha shillong ka Wahumkhrah.
Kiba shong ha katei ka jaka kila pynpaw ia ka jingsngew syier namar ba ha katei ka juh jaka kham sharum khyndiat don sa u wei Tower Mobile ba kham jrong bad ha trai jong u ne u Tower ruh la dep ban tih thliew bad ki syier ba utei u ban dang ieing mynta ruh u lah ban khyllem ha kano kano ka por.
La kyntu ia ki bor sorkar kham tam ia ka tnad ialehkai ba kan peit ba u tower ba dang ieng mynta u lah ban khyllem lada don ka lyer ne kane ka jingslap ka dang beteng namar ka khyndew na trai u tower la sdang hap.
