Shillong, Nailur 16: Bun ki riew paidbah haba ki leit sha ki Bank ban thep ne sei pisa kila shem ba ka akkount jong ki la shah khang, ha kaba kim lah ban sei pisa ne thep pisa ha ka akkount kaba ki don ha ka kyrteng jong ki ne ha ka kyrteng kaba ki pyntrei ia ka kam.
Haba kren ha u SP News Ageny, khlem da pynpaw kyrteng wei na ki nongkynshew pisa mynta ka sngi la iathuh haba leit sha Bank ban sei pisa la shem ba ym lah ban sei ia ka ppisa bad haba la ia kren la shem ba dei na ka daw jong ka “Know Your Client” to tip ia u ba wan kynshew pisa.
La iathuh ba bun bah ki akkount jong ki riew shimet kila shah khang ia ka akkount jong ki ban thep ne sei pisa na ka daw ba khlem pynthymmai ia ka KYC, lane khlem pyndon kam ia ka akkount la bun bun bnai, kane ka dei katkum ki jingtip kiba la iathuh da kiba trei ha Bank.
Kane ka jingkhang ia ki akkount kam dei na ki Bank hynrei la leh na ka Reserved Bank ka Ri India India (RBI) ia kaba ki Bank kim lah ban leh ei ei kaei kaba ki bank ki lah ban leh ka long ban bthah ia ki nongkynshiew pisa ban pynthymmai ia ka KYC.
