Shillong, Jymmang 13: Halor ka jingdawa jong ki nongtrei ASHA ba ki don kam ia ki PPEs u myntri ka koit ka khiah u bah A L Hek u la iathuh ba, ki ASHA kiba don kam ia ki PPEs dei tang kito kiba hap ban leit jngoh ia kito kiba lah ban don ka jingpang COVID-19.
U myntri ka tnad ka koit ka khiah u la pynshai ba ia ki ASHA, ki don kam ia ki Glove, ki hand Sanitizer, hynrei ia kito kiba hap ban leit peit ia kito kiba lah ban don ia ka jingpang COVID-19 ia kiba la tip kum ki “High Risk” ki don kam ia ki PPEs.
Na ka liang jong ka tnad ka koit ka khiah kala dep ban sam ruh sha baroh kiba wan phai ia ka Home Quarantine Dairy ha kaba ki hap ban but ryntih kumba la bthah ban kyntiew ia ka jingthoh ha ka man ka sngi haduh ban da kut ka 14 sngi. Ha kine ki sngi ki briew jong ka tnad ka koit ka khiah kin bud dien ha kaba ia dei bad ki briew kiba wan phai.
Ka sorkar kala shim beit ba baroh kito kiba wan phai na sha bar jong ka North East bad kine ki hap ban leh pyrkhing bha ha ki 14 sngi bad ia ki 14 sngi ha dien pat kim da don kam ban pyrkhing wat la ki hap ban dang don ha ka quarantine bad ha kine ki sngi ka sorkar kan pynbiang ia ka bam na ka bynta jong ki.
