Shillong, Jymmang 27: Ka jingialang jong ka Kabinet kaba la long mynta ka sngi kala shim ia ka rai ba nang ne sha khmat kito ki ban se seng ia Ki skul ban ioh ia ka jingiarap na ka sorkar ki hap ban pynbiang ia ki kyndon bala buh da ka sorkar.
U Myntri ka tnad ba dei peit ia ki pule puthi jong ka sorkar jylla u bah Lahkmen Rymbui u la ong ba ha kane ka jingialang jong ka cabinet kala pdiang ruh ia ki kyndon ban ai jingbit ha ka seng seng ia ki skul bad ban ai ka jingithuh ia ki skul ki ban sa plie.
U Myntri u la ong ba kila don ki rule ha kaba ai jingbit bad jingithuh ia ki skul, hynrei ban pynbha shuh shuh ha ka pule puthi la don kam ban dang peit bniah shuh shuh dei na kane ka daw ba ka tnad pule puthi kala wanrah ia ka jingkylli ha ki kyndon kiba la don lypa ia kaba ka kabinet kala pdiang mynta ka sngi.
Ki kyndon kiba la buh ban seng skul ka long ba ha jaka sor ka jaka ka dei ban long la kumno kumno kam dei ban duna ia ka 2.5 Akar bad ha ki nongkyndong ka dei ban long 3.5 Akar ki don ki long ki kyndon bad ka kynhun kaba seng ia ka skul ka dei ban don ia ka pisa ban siew ia ka tulop bad ka jingdon kam ka skul na ka bynta lai bnai.
Haba ia dei bad ka jignthung ia ki nonghikai ki dei ban long katkum ki kyntdon kiba la buh da ka NCTE lane da kano kano ka bor kaba dei peit, ha ka juh ka por baroh ki iing skul kiba kin shna ki hap ban long katkum ki kyndon ban don ia ka jingshngian.
Ka kabinet mynta ka sngi kala pdiang ruh ban thung ia u Meghalaya Real Estate Regulation Development Rule 2020 ban don ia ka bor ban peit, hynrei namar ba ka jylla Meghalaya kam pat don ka jingeh ha kaba ia dei bad kane ka sorkar kala rai ban pyndon kam ia u nongbsihar ba dei na ka sorkar Assam.
