Shillong, Jylliew 09: Hapoh ka jingialam jong u State President ka BJP Meghalaya State Unit u Rikman Momin kumba shiphew ngut ki kdhot ka seng mynta kila don sha Delhi ban ia don lang ha ka jingpynsmai ia u Narendra Modi kum u myntri rangbah duh jong ka Ri India lai sien lynter.
Kane ka jingleit ki nongialam jong ka BJP na Meghalaya sha Delhi ka long ba la shah khot ban ia don lang ban ia sakhilang ia kane ka sngi sah kynmaw ha ka party BJP ba la ioh ban ioh bat ia ka bor synshar ha ka sorkar pdeng lai sien lynter.
Ki thymmei khubor ki iathuh ba la khot kumba 20 ngut ei ei na ia ki nongialam na ka BJP na kane ka jylla Meghalaya hynrei la sngewthuh ba kila poi tang kumba shiphew ngut hapoh ka jingialam jong u President ka BJP na Meghalaya.
Ki thymmei khubor kiba ia jan bad ka BJP na Meghalaya la ong ba ka jingbym lah ban poi kiwei na ka long namar ba kila don lypa ki kam kiba kim lah ban kiar, ia kane ka jingbym lah ban poi kila pyntip sha u President ka party.
