Shillong, Naitung 7: Mynta ka sngi u MDC jong ka Mawhati Konstitwensi u bah Charles Marngar u la ia kynduh ia u myntri ka tnad ka koit ka khiah ka jylla u bah A L Hek ban ia kren bad halor ki jingeh ki PHC bad ki CHC kiba don hapoh ka thain ha dien ba u la dep ban leit jurip ia ki jaka sumar jong ka sorkar.
Kawei ka Umtrai PHC, ha ka jingiakynduh bad ki nongtrei kane ka jaka sumar jong ka sorkar ki nongtrei kila pynpaw ia ka jingeh kaba ia kynduh ha kaba ia dei bad ki jaka sah namar kum ka long ki jaka sah ki la jot lut, ki dieng jingkhang kila pyut, ki jingkhang iiet kila paitlut bad kiwei kiwei ki jignduh.
Haba ia dei bad ka um, ka don tang kawei ka top um bad ka syntex ban pynpoi um sha ka PHC bad ki jaka sah jong ki nongtrei, ka um kaba ki pyndon kam ruh ka long kaba jaboh bad la pynsngews sha u myntri bad ka jingbym don ia ki nala bad ka jingduna ki nongtrei.
Kaba kongsan ka long don kam ka long ban maramot kyrkieh ia ka Dispensary kaba don ha Umlaper, ka dei ka jingshisha ba ia kane la pyniaid da kawei ka seng, hynrei ka iing pat jong ka sorkar, ha kane ka jaka sumar don kam ia ka kamra pynkha khyllung namar kane ruh ka long kaba don kam.
U Bah Charles u la ong ba ki don 15 tylli ki shnong kiba ia khap bad ka jylla Assam haduh mynta kim don ia ki ASHA, bad kaba sngewsih ka long ba kine ki shnong kim rung hapoh jong ka Mawlasnai PHC. Na ka liang jong ki ASHA kila pynsngew ia kane ka jingkwah ka jong ki ban pynsngewlem sha ka sorkar.
Ha kane ka jing ia kynduh na ka liang jong u myntri ka tand ka koit ka khiah la klumar ia u MDC ka Mawhati ba ka sorkar kan sa shim khia ban pynbiang ia kine ki jongdon kam jong ki paidbah ha tei ka thain.
