Shillong, Naitung 22: Mynta ka sngi ki shipai BSF kila pyntip ba kila don 18 ngut ki samla pule kiba la wan phet na Bangladesh sha India lyngba ka Kilapara jong ka West Garo Hills District jong ka jylla Meghalaya.
Ki BSF kiba don ha khappud jong ka jylla Meghalaya naduh ba ka mih ka jingiakhih haoh ka ri Bangladesh naduh ka 18/Naitung/2024 kila khang long peitngor bha ha kahppud bad ka Bangladesh namar ka Meghalaya ka don khappud kaba jrong haduh 444 km bad ka Bangladesh.
U Inspector General jong ki BSF jong ka Shillong Frontier la ong ba naduh ka 18/Naitung/2024 haduh mynta ka sngi ki samla pulr kiba la wan phet sha India lyngba kahppud ka jylla Meghalaya kila don haduh 574 ngut ki nong India, 435 ngut kiba na Nepal, 8 ngtu kiba na Bhutan kiba la wan na Dawki.
U IG jong ki BSF la bthah ia baroh ki ophisar ba kin peit ba kin iarap ia ki samla pule kiba dei ki nong India haba ki wan phai namar ka jingiakhih ha kathi ka Ri Bangladesh da kaba ai ia ki ka um, ka bam bad dawai dashin lada ki don kam bad ban iarap ba kin poi sha la ki jaka sah.
Naka liang jong ki BSF kila ai ka jingkular ruh ia baroh ki nongshong shnong jong ki ri bapher bapher khamtam ia ki para ri kiba wan kiew sha la ka jong ka ri lyngba ki lynti kiba dei, la bthah ban pynpyrkhih bha ha khappud bad ka Bangladesh ban pynthikna ba kan nym don ka jingioh rung tuh ki briew kiba dei jong ka ri Bangladesh.
