Shillong, Naiwieng 28: Ki nongrep ka Sotuh West Garo Hills District ki don 50 ngut kiba la wan ban ia shim bynta ha ka jingpynshai ban ri dohkha na ka ophis jong ka u Superintend ka tnad ri dohkha ha Ampati.
Kane ka jingialang kala wan rah ia ka jingiakynduh lang ha pdeng ki nongrep bad ki kynhun bei pisa, ki Bank ban ia sngewthuh lang ha kaba ia dei bad ka jingbei pisa sha ki nongrep lyngba ki Bank ha ki kam ri dohkha.
Ha kane ka jingialang la pynshai paidbah ha ka bad ia dei bad ka Kisan Credit Card (KCC) kaba dei na ka National Fisheries Development Portal (NFDP) kane ka long kum ka jingpynkupbor ia ki nongrep ban tip ia ki lat ban ioh ia ka jingkyrshan pisa.
Ki heh sorkar kiba la don ha kane ka sngi ki long u RZD Shira ADC ba dei ruh u Project Director ka DRDA jong ka SWGH District, ha kane ka sngi u bah J Suchiang Joint Director bad kiwei ki ophjisar ka tnad ri dohkha la don lang, na ki bank kiba la poi dei na ka Meghalaya Cooperative Apex Bank (MCAB) bad State Bank of India.
Ha ka jingkren u RZD Shira, ADC u la ban jur ia ka bynta kaba ki bank ki don ia ka bynta kaba khraw ban kyrshan ia ki nongrep, ha kane ka sngi u la ban jur ruh ba ki nongrep ki dei ban siew ia ka pisa kaba ki shim bad kane kan iarap ha kaba pynheh ia ki kam ri dohkha.
Ha ka jingkren ka R V Ch. Sangma kala kren ia ka jingdon kam ban don kum kane ka jingpynshai paidbah ha ka kam ri dohkha, u bah J H Suchiang u la ban jur ia ka jingiatreilang ban kyntiew ia ki kam ri dohkha. Ha kane ka sngi la don lang BDO ka Betasing C&RD Block u Nobin Arengh, kum kane ka jinglang la pynlong ar sien ha SWGH District.
