Shillong, Naiwieng 09: Ka Talent Identification program (TID-3) kaba lai bala pynbna da u myntri rangbah ka jylla u Conrad K Sangma bad u myntri kam ialehkai u bah Shakliar Warjri, ha ka 14 Lber 2024 ka la nang iaid shaid shaid ha baroh ki khad ar tylli ki districts ka jylla Meghalaya.
The Talent identification program (TID) ka bynta kaba lai ba la kyrshan da ka tnad Department of Sports and Youth Affairs, ka sorkar Meghalaya, bad ba la pyntyllun da ka Meghalaya State Olympic Association ban test shiphew hajar ngut ki samla kiba don ka sap kilan met naduh ka rta kaba 6 haduh 15 snem hapoh ka jingkhmih u Ian Campbell, Director, Global Head, Sportality, Australia/India.
Kane ka kynhun peitbniah kaba la khmih pyniaid da ki Olympians ha ka jingiatreilang bad ka the MSOA bad Sportality kaba la ialam da u Bah Dipshon Ryntathiang, Chairman, MSOA Podium Finish Committee, bad u Bah John F Kharshiing, Working President, MSOA, ka la sdang ha ka 21 tarik Risaw 2024 na Shillong, East Khasi Hills District.
Ia kane la bteng sha Khliehriat, East Jaintia Hills District, Jowai, West Jaintia Hills District, Nongstoin, West Khasi Hills District, Mairang, Eastern West Khasi Hills, Bhoirymbong & Nongpoh, Ri Bhoi District, bad la hiar sa sha Ri lum Garo Hills ha ka 4 tarik November 2024 testing ha Tura, bteng sa sha Trikikila, West Garo Hills District, bad 6/Naiwieng/2024 ha Ampati, South West Garo Hills District.
Na Ka shiphew hajar ngut kiba shah test 2589 ngut ki samla ialehkai dei na ki football grassroots centers katba kumba 3652 ngut ki khynnah samla dei na ki schools bapher bapher baroh lang ka long 6241 ngut kiba la shah test haduh mynta ka sngi da kaba pyndonkam ia ki kor stad ka juk stad.
La test kumba 350 haduh 400 ngut ha ka shi sngi ha ki Districts bapher bapher. Ka kane ka talent identification program ka dei na ka bynta ki jingialehkai sports baroh bad ka long lehse ka sien kaba nyngkong ha ri India ba ka jylla Meghalaya ka pynlong ia kuma kane ka rukom wad ia ki sap kyrpang.
Ka kynhun testing na ka MSOA ha kane ka kynti ki la nang lap shuh shuh ki khynnah samla kiba don ia ki sap kyrpang ban kilan met ha ki districts bapher bapher ka jylla Meghalaya ha kaba ki 15 bad 16 snem ki khynnah shynrang na Ampati, South West Garo Hills ki la mareh 5.7secs, 6.02secs ha ka test Compass Drill kaba long kham sted ban ia ka international benchmark kaba 8.00secs ia ki shynrang bad kiba la mareh (sprint) 20Meters hapoh 3.06secs bad 2.85 secs katba ka international benchmark ka long 3.00secs na ka bynta ki shynrang. Kumjuh la shem bun ki sap kyrpang jong ki samla kiba ia ryngkat bad ki sap ki jingthew international bench ha kiba bun ki districts jong ka jylla Meghalaya.
La ban pynpaw hangne ba ki khadwei ngut ki samla khynnah na ka TID phase -1 bad Elite Pathway Program (EPP)-1 kiba don mynta hapoh ka program Super Elite pathway program (SEPP-1) ki la pynpaw ia la ki sap la jong ha ki jingialehkai bapher bapher bad ki dang iai bteng ki jingshah hikai hapoh ka jingkhmih ki expert bad ki Olympians.
Namar ki exam skul kiban long hashen ka MSOA ka la pynsangeh shwa ia ka talent identification program phase -3 sha ri lum garo bad kan sdang biang ha u taiew ba nyngkong jong u bnai ban wan December 2024.
