Shillong, Jylliew 08: U Bah Prestone Tynsong Symbut Myntri Rangbah ka jylla u la iathuh ba ki don ki khun samla kiba la wan phai kiba don ha ki “Quarantine Centre” ki phah wanrah ksew ha ki kime ki kpa.
Na ka liang jong u symbut myntri rangbah u la kyntu ia ki kmie ki kpa ba kin ia shah shitom shipor bad ka sorkar ba kim dei ban rah ksew sha ki jaka sah namar lada rah ksew ia u ksew ruh hap ai jingbam lang la kyntu ba kin ia trei ryngkat lang bad ka sorkar.
U Bah Prestone u la ong ba ha ki Quarantine Centre kam dei ka jaka ban im sahuh katba ki mon, haba ia dei bad ka jingslem ban ioh ia ka reslot jong ka RTPCR test kam dei ba ka sorkar ka leh khnang hynrei namar kila bun palat kane kala shim por long kiba iai shah namar ka sorkar ka don ia ka jingkit khlieh na ka bynta ka koit ka khiah jong ki paidbah ka jylla.
Haba ia dei bad ka jingplie ia ka khaii pateng bad ka Bangladesh u bah Prestone u la ong ba ka sorkar ka la dep ban pynmih ia ki kyndon na ka bynta kito ki nongniah ia ki trok ban rung sha Balangladesh. U ban rung dei tang u nongniah marwei bad um dei ban mih na kali haba leit ban pynhap mar.
Kine ki draibar kiba kit mar sha Bangladesh man la ka 10 sngi ki hap ban phah test RTCPR bad kim dei ban leit sha ki iing ki sem. Kine ki long ki katto katne ki kyndon kiba kham kyrpang.
