Shillong, Nailur 28: U Commissioner bad Secretary jong ka tnad ba dei peit ia ka khaii pateng u la pyntip paidbah ba ia ki Border Hat kin sdang ban plie biang ha ka 1/Risaw 2024 jong u bnai bna wan.
Ha ka juh ka por ka Deputy Commissioner ka East Khasi Hills District ha ka 26/Nailur/2024 kala pynmih ia ka jingpybna ba ia ki Border Hat kiba don ha East Khasi Hills District ba kin sdang ban plie biang ha ka 1/Risaw/2024.
Ha East Khasi Hills ki don ar tylli ki border Hat kawei ha Ryngku bad kawei ha Lalpani ia kaba la tip kum ka Balat-Dangnar Border Hat, ka South West Khasi Hills District ka don ha Nolikata,Shibbari, Bholaganj.
Ka jingkhang ia kine ki border hat kiba la trei kam kawei ha Ryngkut bad kawei ha rung Dangngar kine ki hap ha East Khasi Hills District ia ki la hap ban khang na ka daw jong ka jingiaumsnam ha Bangladesh.
Ka jingshna ia kine ki Hat ha khappud ka long ban kyntiew ia ka ioh ka kot jong ki paidbah ha khappud bad ka Bangladesh kiba la shah ktah ha dien ka jingphiah iaka India bad Pakistan ia kaba la ioh ia ka Bangladesh ha u snem 1971.
