Shillong, Lber 31: Mynta ka sngi ka tnad pulit jong ka jylla Meghalaya kala pynmih ia ki jingbthah na ka bynta jong kito ki samla kiba la shah jied ban leit mareh na ka bynta ka kam pulit ka ban sdang ha ka 5th Iaiong 2021 ha Mawiong bad ha Goegragre ha Tura.
Ki jingbthah kiba la pynmih mynta ka sngi ka long ba kiba wan ha kitei ki ar tylli ki jaka mareh ka long na ka bynta kiba hap ban ia mareh ha Mawiong ki dei ban hiar kali ha khyrdop kaba lai bad na ka bynta kiba hap ia mareh ha Goegragre kin hiar kali ha khyrdop kaba ar.
Ha kitei ki ar tylli ki jaka ban pynlong ia ka jingiamareh kin nym don kano kano ka jaka die bam, kumta kiba wan ki hap ban pynkhreh iala ka jong ka bam, shisien ba la rung shapoh yn nym shah ban leit sha bar jong ka jaka ia mareh.
Kito ki ba khlem shah jied ha ka jingiamreh yn nym shah ia ki ban shong sha poh ki hap ban mih noh na ka jaka mareh bad kin hap ban mih na khyrdop kaba nyngkong, baroh kiba wan ban ia mareh ki hap ban deng ia ka jingda khmut bad ki dei ban pynia jngai iwei na iwei.
