Shillong, Nailar 22: Ki shipai BSF kila ioh ban bat kawei ka kali Bolero Pickup kaba don ia u number ML05-AC-3601 ha shnong Pongtung kaba hap ha Pynursla Civil Sub Division bad haba la Talasi la shem ba ka kit ia ki jingdih ba sniew.
Ki shipai BSF kila kem ia ki ar ngut ki nong India kiba don ha katei ka kali, kaba mut ban rung sha Bangladesh katba ki dang poi ha shnong Pongtung ha East Khasi Hills District jong ka jylla Meghalaya.
Ki BSF kila ong ba kine ki briew kiba la shah kem ki dei na ka shnong Khanduli kaba hap ha ka West Jaintia Hills District bad ha ka kali kila kot ia jingdih pynbuaid kaba la shongdor T.70,11,960/- kine ki mar mut ban phah sha Bangladesh.
Ki shipai BSF ha dien ba kila pyndep ia ki jingdon kam katkum ka ain la aiti noh ia kine kiba la shah kem la aiti noh sha ki customs ophis kiba don ha Pynursla ha East Khasi Hills District ban leh ia kaba don kam katkum ka ain.
