Shillong, Naiwieng 01: u Bah Prestone Tynsong symbut myntri rangbah ka jylla u la iathuh ba ka kabinet mynta ka sngi kala pdiang ban pynkylla noh ia ka Meghalaya (Charcoal of Production storage and Trade) Amendment Rule.
La iathuh ba da kane ka jingpynkylla ia kane ka rule mynta la khang syndon ia ki karkhana Ferrous Alloy kiba don ha ka jylla ba kin thied rynga na ka jylla, kine ki karkhana ki hap ban thied na sha bar jong ka jylla, lada lap ba ki thied na ka jylla ym khang khyrdep ia kiba ia leh pyrshah.
U Bah Prestone u la kren shai ba na ka bynta ban pyndon kam ha kaba thang ban shet jingshet ha ki iing ki sem ka sorkar ka khlem khang ki paidbah ki lah ban pyndon kam ka jingkhang ka long beit tang ban dei sha ki karkhana kiba don ha ka jylla Meghalaya.
Ha kane ka jingialang la shah ruh ia ka tnad Information Technology ba kan thung brie war ngut u Manager bad Assistance Manager GSI hapoh kane ka tnad sorkar, ka kabinet kala pdiang ruh ia ka service rule jong ka Meghalaya State Pollution Control Board.
