Shillong, Nailur, 04: Ki kolej ba la pyniaid da ka sorkar jylla ha ka jylla baroh kawei ki don 12 tylli bad kine ki don ha ki jaka bapher bapher kum ha Shillong, Jowai, Tura, Mendipathar bad ha kiwei kiwei ki jaka.
Katkum ki khubor ki iathuh ba na ki 12 tylli ki distrik, 10 tylli ki don iaki kolej jong ka sorkar bad 2 tylli kim don iaki kolej jong ka sorkar. Ka sorkar jylla kala ai ka jingmynjur ia 2 tylli ki jaka ban don iaka Model Degree College kawei ka long ha Nongkwna ha Mawthengkut, kaba hap hapoh Mawshynrut Civil Sub division, West Khasi Hills District.
Kawei pat ka Model Degree College ka dei ha Pdeinpoh Chnong kaba hap ha ka elaka Sumer Jalaphet pyllun, East Jaintia Hills District. Ka jingshna ia kine ki ar tylli ki Model Degree College la sdang ha ka 16 tarik Nohprah, 2025 katkum ka por kaba la buh da ka tnad pule puthi ba ai kine ki kolej, ka jingshna iaki yn pyndep ha u bnai Jylliew 2027.
