New Delhi, Nailur 27: Ka tnat Road Transport 
& Highways (MoRTH) ka Sorkar Pdeng dang shen ka la pynmih ia ka hukum h akaba iadei bad ki jingpynkylla ia ka Central Motor Vehicle Rules 1989 halor ka jingpyndonkam ban pyntreikam ia ki kor electronic, ka jingbuh ia ki jingtip ki kot kali hapoh ka website Information Technology bad ki E-Challan hapoh ki portal naduh ka 1.10.2020 na ka bynta ban lah ban pyntreikam bha ia ka MV Rules.
Ka jingpyndonkam ia ka Information Technology bad ki jingkhmih lyngba ki electronic ban pyntikna halor ka jingpyntreikam ia ki kyndon traffic bad ban pyllait ia ki nongniah kali bad ki paidbah na ka jingshah pyndik. Kane ka long kaba donkam hadien ba la mynjur ia ka Motor Vehicles (Amendment) Act 2019 bad ba la pynmih ha ka 09 tarik u Nailar, 2020.
Ki kyndon (rules) ha kaba iadei bad ka jingpynkylla ia ka Central Motor Vehicles Rules 1989 na ka bynta katto katne ki kyndon hapoh ka Motor Vehicles (Amendment) Act 2019 la pynmih lyngba ka GSR 584 (E) kaba la pynmih ha ka 25 u Nailur, 2020.
Kane ka jingpynkylla ka batai shaphang ka Challan bad la pynrung hapoh ka website katkum ka jingdonkam ia ki jingshakri lyngba ka IT bad kumjuh ka jingpyntreikam ia ka electronic monitoring and enforcement (ka jingkhmih bad ka jingpyntreikam lyngba ki kor electronic).
Ka jingbatai kaba bniah halor ki laisen niah kali kiba la shah kyntait da kiba bor kiba ai laisen yn lum bad buh hapoh ka website bad kine ki jingbatai dei ban pyni man ka por hapoh ka website. Dei na kane ka daw ba dei ban lum ia ki jingtip lyngba ki kor electronic nad dei ban buh buddien ia ka iaid ka ieng ki nongniah kali.
La buh ruh ia ki kyndoh na ka bynta ka Production and Obtaining Certificates da kaba leit shim dalade lane da kaba aplai lyngba ki kor technology, ban peit ia ka por ba kut, ka jingpynmih ia ki kot ki sla bad kumjuh ia ka por bad ka tarik bad ka kyrteng jong u ophisar u ba la ai soi ha ki kot ki sla.
Lada lap bad ki jingtip kiba la ai hapoh ki kot ki sla ki long kiba biang lyngba ki kor electronic bad u enforcement officer ym donkam shuh ban pan na ka bynta ban pyni ia ki kot ki sla.
Shuh shuh, hadien ba khmih ia ki kot ki sla, ka tarik bad ka por jong ka inspection bad ka kyrteng jong u heh pulit lane uno uno u heh ophisar u ba la ithuh da ka sorkar jylla dei ban buh hapoh ka website. Kane kan iarap ban nym donkam shuh ban jurip ia ki kot ki sla kiba la dep ban jurip bad kan pyllait ia ka jingshah pyndit jong ki nongniah kali.
La pynpaw ruh ba ka jingpyndonkam ia ki tiar ban batai ia ka jingiaid lynti ha ka por niah kali yn shah tang na ka bynta ban btip ia ka lynti bad kam dei ban pynthut ia u nongniah kali ha ka por niah kali.
Shuh shuh, katkum ka hukum GSR 586 (E) kaba la pynmih ha ka 25 tarik u Nailur, 2020 halor ka jingpynkylla ia katto katne ki bynta jong ka Motor Vehicles (Driving) Regulations 2017 ban pyniahap bad ka jingpynkylla ia ka ain bad ka CMVR 1989.
Ka S.O. (E) 3311 kaba la pynmih ha ka 25 tarik u Nailur, 2020 ka ailad ban pyntreikam katto katne ki bynta jong ka Motor Vehicles (Amendment) Act 2019 naduh ka 01 tarik u Risaw, 2020 bad na ka bynta kane la pynmih ia kane ka hukum.
Ka S.O. (E) 3310 kaba la pynmih ha ka 25 tarik u Nailur, 2020 ka ailad ia ka sorkar jylla ban buh ia ka dor halor ka jingdain kuna. Ka S.O. (E) kaba la pynmih ha ka 25 tarik u Nailur, 2020 ka ailad ba ka jingdain kuna halor ka jingpynkhein ia ka The Motor Vehicles (Driving) Regulations, 2017 ka dei ban long katkum ka kyndon Section 177A bad ka jingdain kuna halor kane ka jingpynkhein kam dei ban long na ka bynta kiwei pat ki daw kumba la kdew hapoh kane ka aiñ.
