Shillong, Risaw 30: Haba ia dei bad ka jingkynnoh jong u Dr Mukul Sangma haba ia dei bad ka ka
m dewiong u myntri rangbah ka jylla u Conrad K Sangma u la ong ba na ka liang jong ka sorkar kala but ryntih ia ki jingbthah jong ka National Green tribunal bad ka Supreme Court.
Ka sorkar kala but ryntih ia kaei kaba la bthah, namar ka NGT bad kiwei ki shnat kiba dei bad ka mariang ki long kiba peitngor lada ka don ka jingleh kaba kum kata kila dei ba kin kdew na ka liang jong ki.
U Myntri rangbah u la ong ban kren khlem da don ia ka jingshisha bad khlem da peit bniah ia kaei kaba ka sorkar kala but ia baroh ki kyndon, ban shu kynnoh kam long kaba dei ban shu kren kumto. Ka jingkynnoh baroh ka long la bym don nongrim haei haei ruh.
U Myntri rangbah u la ong ba ia ki rule dei ban but, ia ki rukom pyneit baroh hap ban but bad ka sorkar kan but katkum ki kyndon ka ain kaba la buh ka sorkar ka long kaba shai bha halor kane.
Kumba ka long ki liang pyrshah shiphang kila kren da kumne kila kren da kumtai bad ki kylla ia ka jingkren ka jong ki, ha kaba sdang ki ong ba kam don kata ka 32 MT u dewiong, ha dien shitaiew ki ong ba ia u dewiong ba dang don 32 lak MT dei ban lilam shisien lilam.
Nangta ki la ong ba balei ka sorkar ka pynslem kaba nyngkong ka long ba ki liang pyrshah ki dei ban tip aiu ki kren, ka long kaei kaei ka bym itynnad ba kin kylla jutang da ladei ia lade, nyngkong ban ong ba ym don uta u dewiong 32 Lak Mt bad ha dien kata ki ong balei ka sorkar kam die lilam shisien dien ia u dewiong kane ka pyni ba ki don ka jingklumar jingmut ha pdeng jong ki.
U Myntri Rangbah u la ong ba ka jingpynkhreh ban die lilam ia u dewiong kala dang iaid sha khmat, u la ong ba ha dien ba kila shimti ia ka kam kila leit sha Supreme Court ban pynthikna ba ka Supreme Court kan shah ban die ia u dewiong ba dang sah 32 lak Mt.
Haba ia dei bad kane ka jingpynkhreh ban die lilam ia u dewiong labuh ia ki kyndon kumta ka sorkar ka hap ban bud ia ki kyndon bad u mytnri rangbah u la ong ba ka sorkar naduh ka sngi kaba nyngkong ka long shai ba kin bud ia ki kyndon, hooid ka don ka jingslem hynrei kane ka jingslem ka long ba ki hap ban bud ia ki kyndon.
U myntri rangbah u la ong, kum ka nuksa ba ka jingkit ia u dewiong na ki jaka tih bad na ki jaka buh ban kit sha ki Depo bad ia kane hap ban peit da ka Coal India Limited (CIL) ia kane ruh don kam ban leh da ka sorkar jylla kane ka dei ka jingleh ka long kaba eh namar bay m pat juh leh mynshuwa dei na kane ba ka sa slem.
La ong ba katba dang kren ruh ka jingkit ia u dewiong kala iaid , la ong ba shen kin sa lah ban lilam biang ia u dewiong ha ki katto katne ki District la da ym dei ha baroh ki District ruh, shen ka sorkar kan sa lah ban leh ia kane.
