Shillong, Nohprah 15: U bah CVD Diengdoh u Secretary ka sorkar Meghalaya ba dei peit iaka Personal Department la pynmih ia ka jingpynbna sorkar ba ki ophisar Meghalaya Civil Service ophisar kiba don ha ki District bad ha ki Block la shah ia ka tnad District Council Affair ban pyndon kam ia ki na ka bynta ka MDC election 2025.
Ka sorkar kala shah ia ka DC(A) ba kan pyndon kam ia ki ban thung ia ki kum ki Returning Officer, EROS bad AERO na ka bynta ka MDC election sha ki ar tylli ki iing dorbar ka Jiantia Hills Autonomous District Council (JHADC) bad Khasi Hills Autonomous District Council ban long ha u snem 2025.
Na ka liang jong ka tnad DC(A) kala pynkhreh ia ka MDC elekshon ban long ha u snem 2025 tang ba ia ka tarik dang ap ban pynbna da u Lat ka jylla, ki jingpynkhreh kila iaid sha phrang ban pynthikna ba ka elekshon sha ki ar tylli ki iing dorbar ka JHADC bad KHADC kan iaid beit.
