New Delhi, Lber 04: U Myntri Rangbah duh, Narendra Modi mynta ka sngi u la ai jingkren ha ki webinar hadien ka mang tyngka lyngba ka video conferencing. La pynlong ia ki webinar halor ka MSME kum ka kor jong ka jingkiew shaphrang, ka jingshna tiar, ki jingshalan mar bad ki kam kiba iadei bad ka bording nuclear; ki jingpynkylla ha ki rukom pyniaid kam, ka jingbei tyngka bad ka jingsuk ban trei ha ki kam khaii pateng.
Ha ka jingai jingkren ha ka jingialang, u la ong ba ki webinar hadien ka mang tyngka halor ka kam shna tiar bad ka jingshalan mar kilong kiba kongsan bha. Da kaba ong ba kane ka mang tyngka kadei ka mang tyngka kaba nyngkong jong ka samoi kaba lai jong ka sorkar, u la ban jur ia ka bynta ba kongsan jong kane ka mang tyngka kadei ka jingpynurlong ia ka, kaba la tam ia ki jingkhmih lynti.
U Modi u la ong ba ha ki kam bapherbapher, ka sorkar ka la shim ia ki sienjam kiba palat ia kaei ba ki riewshemphang ki la khmih lynti. U la ong ruh ba la shim ia ki rai ba kongsan ha kaba iadei bad ka jingshna tiar bad ka jingshalan tiar ha kane ka mang tyngka.
Da kaba ong ba ka ri jong ngi ka la sakhi ia ki polisi ba skhem jong ka sorkar palat shiphew snem, u Myntri Rangbah duh u la ban jur ba ha ki 10 snem ba la leit, ka India ka la pyni ka jingkut jingmut na ka bynta ki jingkylla, ka jingryntih ha ki kam pisa, ka jinglong shai, bad ka jingkiew shaphrang ia baroh.
U la ban jur ba ka jingpynthiknaia ka jingskhem bad ki jingkylla ka la wanrah ka jingngeit skhem ba thymmai hapoh ka kam. U la pynthikna ba man kito kiba don bynta ha ka jingshna tiar bad jingshalan tiar ba kane ka jingskhemkan bteng ha ki snem ban wan.
Ha ka jingpynshlur ia kito kiba don bynta ha ka kam ban shim ia ki sienjam ba shlur bad plie ki lad ba thymmai ha ka kam shna tiar bad shalan tiar na ka bynta ka ri, u Modi u la ban jur ba man ka ri ha ka pyrthei ki kwah ban pynkhlain ia ka jingiadei jong ka bad ka India ha ka ioh ka kot. U la kyntu ia ka kam shna tiar ban shim kabu pura ia kane ka jingiatreilang.
“Ka polisi ba skhem bad ka kam khaii pateng ba biang kilong kiba kongsan na ka bynta ka jingkiew shaphrang jong kanokanoka ri,” la ong u Myntri Rangbah duh, da kaba ban jur ba ha ki katto katne snem mynshuwa, ka sorkar ka la sdang ia ka Jan Vishwas Act bad shim ia ki sienjam ban pynduna ia ki kyndon ba hap bud.
Palat 40,000 tylli ki kyndon ba hap bud la pynduh ha ki kyrdan jong ka sorkarpdeng bad sorkar jylla, kaba kyntiew ia ka jingsuk ban trei ha ki kam khaii pateng, u la ong. Haba ban jur ba kane ka kam kadei ban bteng, u Modi u la ong ba ka sorkar ka la wanrah ia ki kyndon kiba la kham pynsuk kiba iadei bad ka kam income tax bad ka dang trei halor ka Vishwas 2.0 Bill.
La thaw ia ka committee ban peit bniah ia ki kyndon ha ki kam ki bym iadei bad ka pisa, kaba thmu ban pynlong ia ki kum ki kyndon kiba katkum ka juk mynta, kiba kham laitluid, kiba suk ia ki briew ba kin bud bad kiba don nongrim ha ka jingshaniah, u la bynrap shuh shuh bad ong ba ka bynta ba kongsan jong ka karkhana ha kane ka kam.
U la pynshlur ia kito kiba don bynta ha ka kam ban ithuh ia ki jingeh ba shimpor ban pynbeit, ai jingmut ia ki lad ki lynti ban pynsuk ia ki kam, bad pyni hangno yn pyndonkam ia ka teknoloji ban ioh ia ki resol kiba sted bad kiba biang.
“Ka pyrthei mynta ka mad ia ka jingbymthikna ha ka jinglong ka sain pyrthei, bad ka pyrthei baroh kawei ka phai sha ka India kum ka jaka pdeng jong ka jingkiew shaphrang,” la ong u Modi, da kaba ban jur ia ka jingeh ha ka por COVID, haba ka ioh ka kot kylleng ka pyrthei ka la suki, ka India ka la pynsted ia ka jingkiew shaphrang kylleng ka pyrthei.
U la bynrap ba la lah ban kot sha kane ka thong da kaba kyntiew ia ka thong Aatmanirbhar Bharat bad pynsted ia ki jingkylla. U la ban jur ba kine ki sienjam ki la pynduna ka jingktah jong ka COVID ia ka ioh ka kot, ka la iarap ia ka India ban long kawei na ka ioh ka kot kaba kiewsted tam.
U la ong, “Ka India ka la long ka kor jong ka jingkiew shaphrang ka ioh ka kot kylleng ka pyrthei bad ka la pyni ia ka jingkhlain jong ka ha ki por jong ka jingeh.” Haba kren shaphang katto katne ki jingthut ha kam pynbiang mar kaba ktah ia ka ioh ka kot kylleng ka pyrthei, bad ka pyrthei ka donkam ia ki nongiatreilang ba lah ban shaniah kiba pynmih ia ki mar kiba bha bad pynthikna ka jinglah pynpoi mar, u Modi u la ban jur ba ka India ka la lah ban pynurlong ia kane ka jingdonkam, ka pyni ia ka kabu ba heh ia ka ri.
U la kyntu ia ki karkhana ban nym long tang ki nongpeitkaihynrei ban khmih ia ka bynta jong ki bad shim ia ki kabu. U la ong ba kalong kaba kham suk mynta haba ianujor bad ki por ba la leit, haba ka ri ka don ia ki polisi kiba plie lad bad ka sorkar ka don ryngkat bad ki karkhana.
U Myntri Rangbah duh u la kyntu iajingskhem jingmut, ka jingshemphang ha ka jingwad ia ki lad ha ki kam pynbiang mar ha ka pyrthei, bad ka jingpdiang ia ki jingeh. U la ban jur ba lada man ki karkhana ki shim kawei ka sienjam shakhmat, baroh kin lah ban kiewshaphrang.
Haba kren shaphang 14 tylli ki kam kiba ioh jingmyntoi mynta na ka skhim PLI, u Myntri Rangbah duh u la ong ba hapoh ka skhim, palat 750 tylli ki unit ki la ioh jingmynjur, kaba la wanrah ia ka jingbei tyngka kaba palat T. 1.5 lakklur, ka jingpynmih tiar ba shongdor palat T. 13 lak klur, bad ka jingshalan ka la tam T. 5 lak klur.
U la ban jur ba kane ka pyni kumno ki nongseng kam lajong ki lah ban kiewshaphrang ha ki bynta ba thymmai haba ki ioh ia ki kabu. U Modi u la pynbnaia ka rai ban pliepaidbahartylli ki thong ban kyntiew ia ka jingshna tiar bad jingshalan tiar.
U la kren shaphang ka jingphaikhmat ha ka teknoloji kaba biang bad ki mar kiba bha, kumjuh ruh u la ban jur halor ka jingkyntiew ia ki sap ban pynduna jinglut. U la kyntu ia baroh kito kiba don bynta ha ka kam ban ithuh ia ki mar ba thymmai kiba dawa bha kylleng ka pyrthei ba lah ban shna ha India bad pynshlur ia ki ban iakren bad ki ri kiba don ka lad ban shalan mar.
“Ka R&D ka don ka bynta ba kongsan ha ka jingiaid lynti ka India ha ka kam shna tiar bad ka donkam ban pynkhlain shuh shuh bad pynsted,” la ong u Myntri Rangbah duh. U la ong ba lyngba ka R&D, ka jingphaikhmat ka lah ban long ha ki tiar ba thymmai bad ka jingpynbhaia ki mar ba la don lypa.
U la ban jur ba ka pyrthei ka ithuh ia ka lad kaba don ha ki kam shna jinglehkai, juti, bad ki kam snieh jong ka India bad lyngba ka jingpyniasoh ia ki rukom shna tiar tynrai bad ki teknoloji kiba katkum ka juk mynta, yn lah ban ioh ia ka jingjop.
U la ong ba ka India ka lah ban long ka lahduh kylleng ka pyrthei ha kine ki kam, ka ban ialam sha ka jingkiew ha ka kam shalan mar. U Modi u la ong ba kane ka jingkiew sahphrangkanplie lad ioh kam da ki lak tylli ha ki jait kam kiba donkam bha ia ka jingbylla bad kyntiew ia ka jingseng kam lajong.
Haba kren shaphang ka PM VishwakarmaYojana kaba ai jingkyrshan ia ki nongshna tiar tynrai, u la kyntu ia ki sienjam ban pyniasoh ia kine ki nongshna tiar bad ki lad ba thymmai bad kyntu ia baroh kito kiba don bynta ha ka kam ban mih shakhmat bad pyniar ia ka lad ba don ha kine ki kam.
“Ka MSME kadei u budlum jong ka jingshna tiar bad ka jingkiew shaphrang ki kam karkhana jong ka India,” la ong u Myntri Rangbah duh. U la ong ba ha u 2020, ka sorkar ka la shim ia ka rai ba kongsan ban pynthymmai ia ka jingmut jong ki MSME hadien 14 snem, kaba la pynduh ia ka jingsheptieng hapdeng ki MSME ba kin sa duh ia ki jingmyntoi jong ka sorkar lada ki kiew.
U la ong ba ka jingdon ki MSME ha ka ri ka la kiew palat 6 klur, ka la plie lad ioh kam ia ki klur ngut. U Modi u la ban jur ba ha kane ka mang tyngka, la pyniar ia ka jingmut jong ki MSME ban wanrah ka jingsngew skhem ha ka jingiaikiew jong ki. Kane kan plie shuh shuh ki lad ioh kam ia ki samla, u la ong, da kaba ban jur ia ka jingeh ba khraw ba ki MSME ki mad kadei ka jingeh ban ioh ram.
U la bynrap ba shiphew snem mynshuwa, ki MSME ki ioh ram kumba T 12 lak klur, kaba la kiew mynta sha kumba T. 30 lak klur. U Myntri Rangbah duh u la pynbna ba ha kane ka mang tyngka, ka jingpynthiknaban ioh ia ki jingshim ram MSME kadei kaba la kyntiewarshah sha ka T. 20 klur. Shuh shuh, yn ai ia ki credit card ba kyrpang haduh u pud T. 5 lak ban pynbiang ia ka jingdonkam pisa ban pyntrei kam.
Haba ban jur ba ka sorkar ka la pynsuk ban ioh ram bad wanrah ia ka jait ram ba thymmai, u Modi u la ong ba ki briew mynta ki ioh ram khlem ki jingpynthikna, kaba kimjumutdurmynshuwa. Ha ki 10 snem ba la leit, ki skhim kum ka MUDRA, kaba ai ram khlem ka jingdonkam ban buh bynta, ki la iarap ia ki karkhana ba rit, u la ong, da kaba ban jur ba ka rynsan jong ki jait kam ka la pynbeitshibu ki kam kiba iadei bad ka jingshim ram.
U Myntri Rangbah Duh u la ban jur halor ka jingdonkam ban wanrah ia ki lad kiba thymmai ban pynbiang ia ki jingai ram, ka ban pynthikna ba baroh ki MSME ki ioh shim ram kaba duna sut ha ka por kaba biang. U la pynbna ba san lak ngut ki briew ba seng kam lajong nyngkong kiba long ki longkmie, ki SC bad ST kin ioh ia ki jingai ram kiba T 2 klur.
U la ong ba ki nongseng kam lajong nyngkong ki donkam ia ka jingkyrshan ha ka jingioh ram bad ruh ka jingialam lynti bad u la kyntu ia kito kiba don bynta ha kane ka kam ba kin sdang ia ka prokram ai jingialam lynti ban ai jingiarap ia kine ki briew.
Da kaba ban jur halor ka bynta kaba heh jong ki jylla ban kyntiew ia ka jingbei tyngka, u Modi u la ban jur ba katba ki jylla ki lah ban kyntiew ia ka jingsuk ban trei ha ki kam khaii pateng, katta kin khring ia ki nongbei tyngka. U la ong ba kane kan ai jingmyntoi bun eh ia ki jylla kiba lah ban leh ia kane.
U la pynshlur ia ka jingiakhun hapdeng ki jylla ban iohimano ba ioh jingmyntoi bun eh na kane ka mang tyngka. U la ong ba ki jylla kiba don ia ki polisi kiba phai sha ka lawei kin khring ia ki kompani ba kin bei tyngka.
Da kaba ong ba u ngeit skhem ba baroh ki nongiashim bynta kin peit bha ia kine ki phang, u Myntri Rangbah duh u la ban jur ba kane ka webinar ka thmu ban wanrah ia ki sienjam ba lah ban pyntreikam.
U la ban jur halor ka jingkongsan jong ka jingiatreilang jong ki nongiashim bynta ban pynkhrehia ki polisi, ki skhim bad ki mat treikam. U la ong ba kane kan iarap ban wanrah ia ki rukom pyntreikam hadien ka mang tyngka. U la pynkut da kaba ong ba u ngeit skhem ba ka jingnoh synniang jong ki nongiashim bynta kan long kaba ai jingiarap bha.
La don shibun ki Myntri Sorkar Pdeng kiba la iashim bynta ha ryngkat kiwei kiwei ki kynrem ki lyndan lyngba ka video conferencing ha kane ka sngi.
