Shillong, Nohprah 16: U bah E D Nongsiang President jong ka seng Meghalaya Retired Deficit Teachers Association (MRDTA) la ong ba lada ka sorkar ha u snem 2024 kam pynioh ia ka bai bam tyngmen, ka Pension ia ki nonghikai deficit ba lala shnong thait kim mih sha surok ban ia khih.
Haba kren ha ki lat pathai khubor ha dien ka jingialang kaba kila pynlong mynta ka sngi ha Jail Road Boys School, kila ia kren sani bha halor ki ar tylli ki bynta kaba ki dawa na duh bala seng ia ka MRDTA ha u snem 2019 ka long ba ki dawa ia ka Pension bad ka Death-Cum Retirement Gratuity (DCRG).
Haba kren halor ka DCRG la ong ba katkum ka jingmynjur jong ka sorkar ka long ban kan ai tang ia kito kiba la shongthait ha ka 1/1/2017 haduh ka 2022, ka ka seng ka dawa ban dei ban ai ruh iakito kiba shong thiat shuwa ka snem 2017 bad ha dien ka 2022.
Ka sorkar shuwa mynshuwa ia ka DCRG ka siew tang T.3.5 lak tyngka, hynrei ha dien ka Fifth Pay Commission ka sorkar kala shim ia ka rai ban pynkiew noh sha ka T.10 lak tyngka kaba ki la pdiang sngewbha, ka jingdawa jong ki ka long ban iarap ia kito ki nonghikai kiba shong that shuwa ka 2017 katba ki ioh kan iarap ia ki.
Kane ka jingdawa ka MRDTA ka long na ka bynta baroh ki nonghikai kiba la shongthait, kiba don mynta naduh Lower Primary haduh Secondary ki don kumba 3000 ngut, halor kane kila ai lai tylli ki jingthoh sha ka sorkar hapdeng u snem 2022 bad mynta us nem 2023 iak aba u myntri rangbah u la ong ba ki dei hok ban ioh ia ka baibam tynmen.
