Shillong, Risaw 30: Ki nongialam jong ka Meghalaya Asha Workers Unions ki la ioh ban ia kynduh ia ka myntri ba peit ia ka tnad ka koit ka khiah ka kong Ampareen Lyngdoh. Halor ki lai tylli ki mat ba ki Meghalaya Asha Workers Unions ki la dawa.
Ha kaba iadei ka bad ka jingsiew kaba kid ei ban ioh katkum ka dor trei sngi bala buh da ka sorkar, haba pang ba shitom ki dei ban ioh jingsumar khlemd a don kam kano kano ka jingsiew bad kila ia kren ruh ia ka jingshah weng kam ki ASHA.
Na ka liang ka nongai buid jong ka Meghalaya Asha Workers Unions ka kong Soni Kharjana ka la iathuh ba ia ka point ba nyngkong, na ka liang ka myntri ka kong Ampareen Lyngdoh ka la ong ba kan sa shong jingialang bad u myntri rangbah ka jylla haba iadei bad katei ka mat ha ka 6 tarik November.
Katba haba iadei bad ka mat jingdawa ba ar na ka liang ka adviser ka la ong ba ka myntri ka la ai ka assurance ba ki Asha hi kin nym donkam siew eiei shuh ba ki pang ban phah sumar ha ki hospital.
Haba iadei bad ka mat jingdaw kaba lai kaba dei shaphang ka jingshah wengkam ki Asha. Ka Meghalaya Asha Workers Unions ka dawa ban pynioh noh da ka ain ba kyrpang.
Hynrei na ka liang ka myntri ka la pynpaw ba yn lah ban ai da ka aiñ hynrei ka la kular ban ai da ka guideline lane ka Instrument ba thymmai sha baroh ki DC haba iadei bad kane.
Shuh shuh na ka liang ka President jong ka Meghalaya Asha Workers Unions ka kong Mira June Myrsing ka la pynbna ba naduh mynta ka sngi ki Asha kin shongthait na ka kam ba ki trei kum ban ap ia kata ka meeting ba ka myntri ka tnad ka koit ka khiah kan shong bad u myntri rangbah ka jylla kaban long ha ka 6 tarik NNaiwieng2023.
kumjuh ka la ong ruh ba lada hadien jong katei ka jingialang kin nymioh ia ka jubab ba pynsngewhun na ka liang ka Unions kam bynse ban shim dakawei pat ka sienjam, lada ka jigniakren kan nym long kaba seisoh.
