The Minister of State for Development of North Eastern Region (I/C), Prime Ministers Office, Personnel, Public Grievances & Pensions, Atomic Energy and Space, Dr. Jitendra Singh addressing a webinar on Act East Policy, organised by the ICRIER, in Guwahati on March 20, 2021.
New Delhi, Jymmang 29: Ka tnat Personnel & Training (DoPT) ka la ai jingmut ia baroh ki nongtrei Sorkar ba la palat 18 snem ka rta ba kin leit ai dawai tika mardor.
Ia kane la ong da u Myntri Khynnah ka Sorkar Pdeng ba dei khmih ia ka tnat Development of North Eastern Region (DoNER), MoS PMO, Personnel, Public Grievances, Pensions, Atomic Energy & Space, u Dr Jitendra Singh, haba u la ai jingtip shaphang ki sienjam ba la shim pyrshah ka bynta kaba ar jong ka khlam COVID 19.
Katkum ki jingbthah jong ka Establishment Division jong ka DoPT, u Dr Jitendra Singh u la ong ba namar ka Sorkar ka la rai ban kynthup ia kito kiba la palat 18 snem ha ka prokram ai tika ban tehlakam ia ka khlam COVID-19, la ai jingmut ia baroh ki nongtrei Sorkar kiba la palat 18 snem ban pdiang ia ka jingai tika. Shuh shuh, namar ka jingkiew jong ki case COVID, la ai bor ia ki Secretary, HoD ba kin pynduna ia ka jingwan trei ki nongtrei Sorkar da kaba peit ia ka jingdonkam ia ki ban wan trei bad ka jingbun ki case ha ki tnat jong ki.
U Dr Jitendra Singh u la ong ba ki sienjam ba ka tnat ka la shim ha kane ka bynta ba ar jong ka khlam ki kynthup ia ka jingbuddien ia ki jingbthah jong ka DoPT halor ki lad jingiada ban tehlakam ia ka khlam COVID 19. Kane ka kynthup ruh ia ka jingpynkhuid man la ka por ia ki kamra ophis, ki jaka trei bad ki jaka rung sha ki kamra ophis jong ka tnat.
U Dr Jitendra Singh u la ong ba la shim ia ka sienjam ban bun ia ki iit hakhmat ki jaka trei bad ka plastic ban ker ia ki nongniah jong ki kali ka tnat. La sdang ruh ia ka Whatsapp group (We care) ban iasyllok bad ai jingiarap ia ki nongtrei jong ka tnat kiba la ioh jingpang COVID, u la ong.
Ban iarap ia ka prokram ai dawai, u Dr Jitendra Singh u la ong ba la pynlong ia ki jaka ai tika ha North Block ha ka jingiatreilang bad ka tnat Kam Poh Iing jong ka Sorkar Pdeng.
Shuh shuh, u Myntri u la ong ba ka jingpynlong ia ki webinar bad ki video conference ka la iarap bha ban pyntyllun ia ki kam. U la ong ba ia ki file jong ka DoPT la pyndep ha ka por kaba biang bad teng teng la shong miet ban pyndep ia ki kam ba kongsan.
