Shillong, Nohprah 19: Mynta ka sngi ka kong Grace Mary Kharpuri ka EM ba dei peit ia ki iew jong ka KHADC kala aiti ia ka kali kit synrum sha ka hima mylliem, kane ka kali ka dei ka pickup ka jingthmu ka long ban lah ban kit ia ki synrum na poh iew.
Haba kren ha ka jingialang kaba la long ha Iew dielang ha Iewduh ka kong Grace kala ong ba ka Iew duh mynta kam dei shuh tang ka iew hynrei kala dei ruh ka wei na ki jaka kaba ki nongwanshang shuwari na kylleng ka pyrthei kila wan sha Iewduh ban peit namar kane ka dei ka iew kaba la bna nam kylleng ka pyrthei.
Na ka liang jong ka EM ka la ong ban wanrah ia ka jingkhuid kam dei kaba eh, don tang kam ban don ia ka jingsngewthuh ban tip lem ban leh khuid, lada ia treilang kam don jingeh ban wanrah ia ka jingkhuid, la kyntu ia ki paidbah ba kumba ki leh khuid ha iing kin leh khuid ruh ia ka Iewduh.
Na ka liang jong ka District Council ka ialeh katba lah ban iarap na ka bynta ka jingkhuid jingsuba kane ka iew da kaba iarap ban pynioh ia ki kali kit synrum khnang ban lah ban pynkhuid ia ka iewduh da ka jingiatreilang bad ka Hima Myllien kaba dei ka trai jong kane ka iew.
Ha ka jingkren u Pa,im Ainam Manik Syiem jong ka Hima Mylliem la ong ba u pynpaw ia ka jingsngewnguh ia ka KHADC kaba la kyrshan ia ka Hima na ka por sha ka por khamtam ha kaba pynioh ia ki kali kit niut, la ong ba ki don shibun ki jingduna hynrei kin pyrshang ban wan rah ia ka jingkhuid hapoh Iewduh.
U bah Andy Basaiawmoit Deputy Secretary ka KHDADC, U Myntri K Langstieh ba dei peit ia ka Iewduh, ka kong Victorai Marwein, bah F. Marbaniang kine baroh kila kren ba kumn ban pynneh pynsah ia ka khuid ka suba jong ka Iewduh, ha kane ka sngi la don lang ruh ki nongshong iew ban ia sakhi lang ia kane ka sngi.
