Shillong, Jymmang 02: U Symbut myntri rangbah ka jylla u Bah Prestone Tynsong mynta ka sngi u la kyntu ia ki paidbah ba kin dang hap ban husiar wat la ka jylla kan lait na ka khlam COVID-19.
U symbut myntri rangbah u la kyrpad ia ki paidbah ba kin dang long kiba husiar, la ong ba wat la ka sorkar kala weng ia ka korphiew hynrei ka DC jong ka East Khasi Hills kan sa pynmih ia ki kyndon hapoh jong ka 144 CrPC.
U Bah Prestone mynta ka sngi u la iathuh ba mynta ka sngi la shim ia ka sample jong i wei bad phah ia ka test bad kyrmen ba ia ka reslot yn ioh la shai ka sngi ne la shisngi. Ka jingslem ka long ba ia ka sample hap ban phah na NEIGRHIMS sha Pune.
U bah Prestone u la iathuh ba haduh mynta la dep ban shim ia ki sample haduh 1707 tylli, kiba long negative ki long 1655 ngut kiba dang ap ia ki resolt ka long 40 tylli. U symbut myntri rangbah u la ong ba ka jylla kan sa lait na kane ka khlam COVID-19.
