Shillong, Naitung 29: Ki nongialam jong ka KSU na ka SWKH District, kila pynpaw ba ki pulit kila dei ban kem ia ki briew jong ka AMD bad jong ka UCIL kiba la thaw ia kane ka jingklumar kamd ei ka KSU, la ong u Genenral secretary ka seng u samla Jitskhem Nongsiej.
Haba kren kren ha ki lad pathai khubor na ka liang jong ki nongialam ka seng KSU kila kren shai ba ka sorkar jylla ha u snem 2016 kala pynduh pyndam noh ia ka jingaiwai khyndew sha ka UCIL bad ha ka juh ka por ka KHADC ruh kala leh kum juh, hynrei ka jingkylli mynta ka mih balei ka AMD bad ka UCIL ki poi sha Nongbahjynrin bad Mawthabah ryngkot ki kor ki bor ban ksam Uranium ha katei ka thain na ei ki ioh jingbit.
Ka KSU ka dawa na ka sorkar jylla bad kum juh na ka KHADC ba ka dei ban ai ka jingpynshai halor kane ka jingleh jong ka AMD bad ka UCIL kaba la wanrah ia kane ka jingklumar, lada ka sorkar jylla bad ka KHADC kim shym la ai bor ki dei ban phah kem ia kine ki briew.
U General Secretary ka seng u la kren shai ba ka KSU kan nym pyndem ha kino kino ki bor bad kan ieng skhem ha ka nongrim ban nym shah ban khlong ia u Uranium na kane ka Bri u Hynniewtrep lada ka long ha kano kano ka lynti, ha ka juh ka por lada ka sorkar kam leh ei ei ban khang ia ka AMD bad UCIL ka seng kan nymshong kli kti halor kane ka bynta.
Na ka liang jong ka ka KSU ka kynnoh bad ka Deputy Commissioner jong ka SWKH District bad u Superintendent jong ki pulit ki buhrieh ia ki jingshisha baroh bad kila shukor ruh da kaba ong ba kine ki kor ki bor kiba don ha katei kathain ki leit ban ksam Um, katba na ka liang jong ka tnad PHE ka kren shai ba kim don jingtip ei ei halor kane.
La iathuh ba ki bor jong ka District jong ka SWKH District mynta kit hew ia ki nongialam jong ka seng KSU ban kynnoh ba dei ma ki kiba la leh ia ki kam thangkali ha kaba ka seng kam don kti ei ei ruh em, lada ki bor jong ka District kim sangeh ia kane ka jingpynsyier pynsmiej ka seng KSU kan nym ailad. Ki bor jong ka District kila dei ban beh mardor ia ki briew jong ka AMD bad ka UCIL na katei ka thain, la bynrap u samla M Thongni.
