Shillong, Nnaiwieng 14: Mynta ka sngi ka tnad kam poh iing jong ka sorkar jylla kaba dei peit ia u pud u sam ka jylla ba ka la 13th Naiwieng 2024 kala pynmih ia ka jingpynbna sorkar bala pynjlan shuh ia ka por ba ki Regional Committee ki phah noh ia ki kaiphot ha ka 31st Nohprah 2024.
Ka sorkar kala thaw ia ki lai tylli ki Regional Committee kawei na ka bynta ka West Khasi Hills District, kawei na ka bynta ka Ri Bhoi District bad kawei na ka bynta ka Jaintia Hills ba kin peit bniah shuwa ban ia kren bad ka sorkar Assam ha ba ia dei bad ka kam pynbeit pud.
Ki don 6 tylli ki jaka kiba dang hap ban ia pynbeit bad ka jylla Assam nalor ki 6 tylli kiba la dep ban ia pynbeit, kane ka khep kaba mynta ka long ba ki kham eh namar ka jingiakam mar kylliang kum ka Langpih, ka Block-I bad Block-II kine ki jaka kiba kham eh ha ka jingiapynbeit pud.
