Shillong, Risaw 16: U Vice President ka Ri India u Jagdeep Dhankar ha kane ka jingwan ka jong u ha Meghalaya mynta ka sngi u la ong ba ka Thain Shatei Lam Mihngi ka Ri India ka don ia ka bynta kaba khraw ban kyntiew ia ka ioh ka kot jong ka Ri India.
U VP u la ban jur ba kane ka thain ka dei kaba la noh syniang ha kaj ingialong kawei jong ka Ri India, ha ka ioh ka kot, ka jingpynneh pynsah ia ka riti dustur bad ka kolshor jong ka ri bad u la kubur ba kane ka thain ka dei ka bynta ba kongsan tam jong ka Ri.
Ka Look East bad Act East Policy kala kyntiew ha ka leit ka wan la ka dei ha ka liang ki surok, lynt rel bad kum juh ki kad liengsuin ha kane ka thain, u la pynpaw ia ka jingsngewskhia halor ka jingbymtip bad ki jingialam bakla bad u la ong ba ki jingtip kiba ai dei ban long kiba shisha bad kim lah ban shuklet ia ka jingkut jingmut ban iada ia ka Ri.
U la ong ba ka Ri India kala dang kiew bad la iohi ia kane da ki samla, la ong ba ki samla ki long kiba don kam bha bad kin long ki nongnoh syniang ba khraw tam ban pynlong ia ka Ri India kaba la kiew ha baroh ki liang kumba la buh thung ban poi sha katei ka kyrdan ha u snem 2047.
Haba kren haba bun maw nongrim ia ka “Meghalaya Skill and Innovation Hub” ha Shillong la ong ba kane ka jaka kan long ka jaka ai jinghikai ia ki samla ha kiba bun ki jaidkam kaba ki kwah ban trei bad ha kane ka juk kaba mynta ka long kaba don kam ban pyntbit.
La ong ba ka Ministry ka Skill Development bad Entrepreneurship kala mang tyngka kala mang haduh T.60,000/- klur tyngka ban pynlut ha ki san snem ban sa wan ban ai jinghikai kyrpang ia ki san lak ngut ki samla ha ka Ri India da kaba buh ia ki jaka ai jinghkai bad kane ha Shillong ka dei kawei.
Ka jinglut ban shna ia kane ka jaka ai jinghikai ha kane ka nongbah Shillong kala kot sha ka T.77.5/- klur tngka ban shna ia kane ka jaka ai jinghikai ha ka jingeh kaba 6.54 akar ka jaka ha Mawdiangdiang.
Ha kane ka jingbuh ia u Mawnongrim la don lang u lat ka jylla u C.H. Vijayashankar, u Myntri Rangbah ka jylla u Conrad K Sangma, ka Dr. Mazel Ampareen Lyngdoh ka myntri kabinet, u bah Donald Phillips Wahlang, Chief Secretary ka sorkar jylla bad kiwei kwei ki heh sorkar.
