Shillong, Kyllalyngkot 08: Ki samla pule barim jong ka JNU na kane ka nongbah Shillong mynta ka sngi kila pynlong ia ka jingialang ha Madan Iewrynhep ban pynrem jur ia ka jingjia kaba la jia hapoh jong ka Jawaharlal Nehru University,(JNU) ha kaba ki nonghikai bad ki samla pule kila mynsaw na ka jingthombor ki riew sniew ha ka san tarik mynta u bnai.
Ha ba iakren bad ki lad pathai khubor na ka liang u Moses Kharbhithai u dkhot ka seng ki samla pule barim jong ka JNU,u la ong ba ki iawan lang ha katei ka jaka ban pynpaw ia ka jingpynrem jur halor ka jingshah thombor ha JNU,Delhi ha ka ba ki briew ki ba sop la spain bha ki la leit rung bad shoh bad pynmynsaw ia ki khynnah pule,ki nonghikai bad ki nongtrei ka JNU ha Delhi.
U la ong ruh ki pynrem ia ka briew ka AVBP ki ba dei ki Youthwings jong ka BJP ki ba la leit ban thombor ia ki khynnah ka JNU.kumba ngi iohi ba kumba ar bnai mynta la don ka jingiakhih jong ki khynnah pule ka JNU ban pyrshah ia ka jingthmu jong ki nongpyniaid ka JNU ban pynkiew ia ka bai pule kum ba 200 shah.
U la ong ruh ba kum uwei u khynnah pule u ba la pyndep ia ka jingpule na katei ka skul bah u la ong ba ka dei ka wei na ki University ki ba pdiang ia ki khynnah ki ba kham duna ka jingioh jingkot ki ba wan ban pule ha ka ne ka shlem pule hynrei ka jingleh jong ki nongpyniaid bad ka Sorkar India ha ka ba ka la thmu ban pynlong ka jaka pule tang ia ki khynnah ki babit ba biang.
kumta na ka liang jong ki dawa ba kin kem noh mardor la ki dei na kano kano ka kynhun ruh bad ngi dawa ruh ia ka JNU Administration ba kan weng noh mardor ia ka rai ban pynkiew ia ka bai pule ha JNU. Ha ka wei ka liang ki khynnah pule jong ka North East Hill University ruh mynta ka sngi ki la pynpaw ia jing pyrshah jur halor ka jing shah thombor jong ki khynnah pule ha JNU ha Delhi.
Ha ba ia kren bad ki ladpathai khubor u samla Yoshuwa Lyngdoh u la ong ba ngi pynrem jur ia ka jingthombor jong ki riewrunar ha kaba ki la leit rung bad shoh pynmynsaw ia k khynnah pule ki nonghikai bad nongtrei ka JNU na ka liang jong ngi ki pyni ia ka jingiatylli bad ki khynnah pule jong ka JNU .
