Shillong, Kyllalyngkot 25: Ki shipai BSF bad ki lat pathai khubor jong ka sorkar pdeng ka All India Raid bad ka Doordarshan kila pynlong ia ka jingiakynduh bad ki paidbah nongshong shnong ha khappud bad ka Bangladesh ha South West Khasi Hills District ha ka shnong Gumaghat.
Ha kane ka jingiakynduh bad ki paidbah ka tei ka thain u Tarni Kumar Tiu DIP jong ki shipai BSF la ong ba kum kane ka jingiakynduh ka long ba don kam namar ka wan rah ia ka jingia sngewjan hapdeng ki bor shipai bad ki paidbah.
Kane ka jingiatreilang hapdeng ki BSF bad ki lat pathai khubor kum ka AIR bad ka Doordarshan ka long kaba don kam haduh katta katta ban wanrah ia ka jingiajan bad ki paidbah ha khappud, ha kane ka jingiakynduh la tem ruh ia ki jingrwai ieit la ka jong ka Ri.
Ha kane ka jingiakynduh la don ruh ka jingpyninam ia ki riam bad ki shat tynrai jong ki briew katei ka thain bala pynbeit da u bah Really Lyngskor, u bah Ferdinand Dkhar ba deipeit ia ka tnad pathai khubor ka AIR bad Doordarshan ha ryngkat ka jingiadon lang ki nongtrei ka AIR bad Doordarshan.
