Shillong, Risaw 09: Ki shipai BSF kiba don ha khappud bad ka Bangladesh kila trei shitom ban ia khun pyrshah ia kane ka jingiakhaii tuh na khappud Meghalaya sha Bangladesh ha kaba jan man ka sngi kila ioh ban kem ia ki briew ne ki mar ki matta bad ki mrad.
Ha ka sngi 8/10/2024 ki BSF kila ioh ban kurup 35 tylli ki masi na ki ar tyllik District kata ha South Garo Hills bad East Khasi Hills kat ba ki nongkhaii beain ki dang thmu ban har ia ki masi sha Bangladesh, ki BSF kiba la ap ktem kila ioh ban khang kdong bad kurup ia kitei ki masi.
Ha kawei pat ka jingjia ha ka jingiatreilang ki pulit bad ki BSF kila ioh ban kurup 9000 kilo ka shini kaba la buh rieh ha khlaw khap Bangladesh, kine ki byrni shini kiba la ioh kurup dei ha South Garo Hills District, ia ki la aiti sha ki pulit jong ka Rongra Police Station.
