New Delhi, Naitung 25: Ki tnat Sorkar Pdeng ki la pyntrei ia katto katne tylli ki projek kiba iadei bad ki surok bad ki lad ka leit ka wan ha ka thain shatei lammihngi.
Ka Sorkar ka la shim ia ka sienjam kaba kyrpang ban kyntiew ia ka jingiasoh hapoh ka thain lyngba ki prokram kum ka SARDP-NE, Bharatmala-I, bad kiwei kiwei; bad ruh ka jingiasoh bad kiwei kiwei ki bynta jong ka India lyngba ka East-West Corridor program.
Ha u 2024-25 haduh u Jymmang, 2024, 78 km ki surok bah ki dei kiba la dep shna ha ki jylla ka thain shatei lammihngi. Ha u 2024-25 haduh u Jylliew, 2024 la pynlut T 2,859.00 klur na ka bynta ki surok bah ha ki jylla ka thain shatei lammihngi.
Ka jingdon ki kad liengsuin ka la kiew sha 17 shuwa u snem 2023 haba ianujor bad ki 9 tylli ha u snem 2013. Ka jingleit jingwan ka la kiew da 113% ha kine ki 10 snem ba la dep.
Hapoh ka skhim UDAN jong ka tnat Civil Aviation, la ai 194 ki lad pynher liengsuin bad helicopter ia ki jylla ka thain shatei lammihngi, ka ban iarap ban khring ia ki nong jngoh kai, ki nongbei tyngka bad ban pynsuk ia ki kam khaii pateng.
Khnang ban kyntiew ia ka jingiasoh lyngba ki lynti rel hapoh ka thain shatei lammihngi bad ruh bad kiwei kiwei ki bynta jong ka India, ki don 18 tylli ki projek rel(13 tylli ki lynti rel ba thymmai, 05 tylli ki doubling), kiba haduh1,368 km ha kaba ka jinglut jingsep ka long T 74,972 klur kiba don pura.
Ki don ki katto katne ha ka thain shatei lammihngi ki dei kiba dang pynkhreh bad kiba dang ai jingbit bad dang shna, bad na kine 313 km ka dei kaba la pyntreikam bad ka jinglut jingsep haduh u Lber 2024 ka long T 40,549 klur.
Ka tnat Ports, Shipping and Waterways, hapoh ka prokram Sagarmala jong ka, ka la shim ia ki projek kiba palat ia ka T 1,000 klur na ka bynta ka roi ka par ha ki jylla ka thain shatei lammihngi. 20 tylli ki lad ka leit ka wan lyngba ki jaka shong um ki treikam hapoh ka thain shatei lammihngi ha kaba la wanrah 19 tylli ha kine ki 10 snem ba la dep.
Ka jingkyntiew ia 6 tylli ki jaka sangeh lieng ha Kurua, Bahari, Dhubri, Guijan, Ghagor & Matmora ha Assam kaba kot sha ka T 310 klur kan pynbiang ia ki lad ka leit ka wan jong ki briew ka ban pynbeit ia ki jingeh kiba don ha ka leit ka wan.
Hapoh ka Indo-Bangladesh Protocol on Inland Water Transit bad Trade (PIWT&T), ka jingdon ki lad ka leit ka wan lyngba ki jaka shong um ka la kiew na ka 8 sha ka 10 bad 11 tylli ki Port of call bad artylli ki port of call ba la pyniar ki dei kiba la pynbna da ki artylli ki ri hapoh ka PIWT&T. La pynkit kumba 4.7 million tonne ki mar ha ka lynti IBP ha u snem mang tyngka-2023-24.
Shuh shuh, ka tnat Development of North Eastern Region ka dang pyntreikam ia ki skhim kum ka North East Special Infrastructure Development Scheme-Roads (NESIDS-Road), Ki jingmang ba kyrpang jong ka Assam Bodoland Territorial Council (BTC), Dima Hasao Autonomous Territorial Council (DHATC) and Karbi Anglong Autonomous Territorial Council (KAATC).
Ki skhim ka NEC (North Eastern Council), na ka bynta ka roi ka par jong ka thain shatei lammihngi bad hapoh kane ki projek na ka bynta ki surok bad ki lad ka leit ka wan ki dei kiba la sanction.
Hapoh kine ki skhim naduh ba la sdang, 1,980 tylli ki projek kiba kot sha ka T 23,240.78 klur, kiba kynthup ia ki projek ka leit ka wan, ki dei kiba la sanction. Kane ka dei ka jingai jingtip u Myntri Khynnah ka tnat Development of North Eastern Region, Dr Sukanta Majumdar ha ka jubab ba shu thoh ha Lok Sabha mynta ka sngi.
