Ki skul kin dang khang, ki khynnah ki lah ban leit shim jingbatai na ki nonghikai: Lahkmen

Shillong, Nailur 30: U Myntri ba dei peit ia ka tnad pule puthi jong ka jylla u bah Lahkmen Rymbui u la ong ba ki skul kin dang iai beteng ban khang, hynrei ka jingbatai ia ki khynnah skul kan dang beteng haduh ban da pynmih da kumwei pat ki jingbthah na ka sorkar.

U Myntri u la ong ba ki jingujor kin don, hynrei ka jingpynbna jong ka sorkar kaba la pynmih ha ka 17th Nailur 2020 kaba la ong tang haduh ka 30thNailur 2020 kan kylla noh haduh ban da pynmih da kawei pat ka hukum ki kyndon baroh kin neh kum juh kumba ka long.

U Myntri u la kren shai ba ki skul kin khang, hynrei ki khynnah ki lah ban leit shim jingiarap na ki nonghikai jong ki ha skul, namar ia mynta ban ong kumno kumno ruh kim pat lah ban tip namar kim pat ioh ia ka jingbthah na ka Ministry Home Affair haduh mynta.

Namar ba kam pat poi kano kano ka jingbthah na ka MHA, kumta na ka liang jong ka sorkar jylla kala shim ia ka rai ba ka jingbthah kaba la pynmih ha ka 17th Nailur 2020 kan neh kum juh tang haduh ban da pynbna da kumwei pat, la ong u myntri ka tnad pule puthi ka sorkar jylla.

What Next?

Recent Articles

Leave a Reply

Submit Comment

*