Shillong, Nailur 27: Ka tnad ka koit ka khiah mynta ka sngi kala pyntip ba ki don lai ngut ki briew kiba khlad na ka jingpang COVID-19 positive bad kine baroh lai ngut dei kiba khlem pat ai Tika, kiba khlad dei na East Khasi Hills District, kiba khlad baroh ki long 1395 ngut.
Kiba la test COVID-19 positive mynta ka sngi ki don 108 ngut, kiba bun eh kiba la test COVID-19 positive dei na East Khasi Hills 72 ngut, West Jaintia Hills 15 ngut, kiba dang shitom baroh haduh mynta ki long 1752 ngut.
Kiba la ioh ia ka jingkoit na kane ka jingpang mynta ka sngi ki don 230 ngut, kiba la koit bun eh dei na East Khasi Hills 94 ngut, West Khasi Hills 76 ngut, kiba la ioh ia ka jingkoit baroh na kane ka jingpang ki long 77750 ngut.
Mynta ka sngi ki don san tylli ki District kiba khlem don ba shah test COVID-19 positive, kita ki district ki long, na East Garo Hills, East Jaintia Hills, North Garo Hills, South Garo Hills, South West Garo Hills.
