Shillong, Naiwieng 19: Deputy Commissioner ba dei ruh Chairperson, District Task Force on Child Labour, East Khasi Hills District, kala pynbna paidbah ba katkum ka ain Child and Adolescent Labour (Prohibition and Regulation) Act, 1986 la khang pyrshah ban khot trei bylla ia ia ki khynnah kiba hapoh 14 snem.
Katba ia ki khynnah kiba 14 snem shaneng haduh 18 snem la khang ban khot trei bylla ha ki jingtrei kiba don ka jingma bad ia kita ki jait kam la kdew shai hapoh katei ka ain jong ka sorkar pdeng.
Kino kino kiba pynkhein ia ki kyndon jong katei ka ain kin shah pynshitom da kaba set phatok hynriew bnai lane lah ban pynjlan haduh ar snem, ka kuna kaba T.20,000/- hajar tyngka lane lah banpynkiew sha ka T.50,000/- tyngka.
La bthaha ia baroh, la ha ki dukan ne ki karkhna ba kin da wah ia kane ka jingthoh ha ki jaka ba iohi shyna bha ki paidbah bad ia ka jingthoh dei ban thoh ha ka ktien jong kata ka jaka bad ka ktien phareng katkum ka kyndon kaba 3 bad 14 jong kane ka ain, lada don kiba pynkhien kin sah dain kuna T.10,000/- tyngka.
