Shillong, Jylliew 7: Ka tnad ka koit ka khiah mynta ka sngi kala pyntip ba kila don 689 ngut kiba la ioh ia ka jingkoit na kane ka jingpang khlam COVID-19 mynta ka sngi, kiba la ioh ia ka jingkoit baroh haduh mynta ki long 33160 ngut.
La pyntip ruh ba ka jingtest COVID-19 positive mynta ka sngi ha baroh kawei ka jylla ki long 438 ngut, bad na kine 206 ngut ki dei ha East Khasi Hills District, kiba dang shitom baroh ha ka jylla haduh mynta ka sngi ki long 5327 ngut.
La pyntip ruh kiba khlad mynta ka sngi na kane ka jingpang ha ka jylla baroh ka wei ki long 5 ngut, ha East Khasi Hills 2, West Khasi Hills 2 bad Ri Bhoi 1, kiba la khlad na kane ka jingpang haduh mynta ki long 669 ngut ha ka jylla baroh kawei.
Kumba ka long mynta ka sngi ha East Khasi Hills kiba la test COVID-19 positive ki long 206 ngut bad kiba la koit pat na kane ka jingpang mynta ka sngi ki long 349 ngut hapoh kane ka District.
