Shillong, Rymphang 09: Ka tnad ka koit ka khiah kala pyntip ba mynta ka sngi kiba la test COVID-19 positive ki don 125 ngut, kiba la test positive ki long na baroh ki District ha ka jylla, kiba la test bun eh dei na East Khasi Hills 56, West Garo Hills 16, Ri Bhoi 13, West Jaintia Hills 11 ngut.
Kiba la ioh ia ka jingkoit na kane ka jingpang ki don 233 ngut kiba la koit ki don na baroh ki District ha ka jylla, kiba la koit bun eh dei na East Khasi hills 94, West Garo Hills 53, Ri Bhoi 17, South West Garo Hills 13, West Jaintia Hills 13 ngut.
Kiba khlad na kane ka jingpang mynta ka sngi ki don ar ngut, na East Jaintia Hills 1, East Khasi Hills 1, kiba khlad baroh ki long 1554 ngut haduh mynta ha baroh kawei ka jylla, kiba bun eh kiba khlad dei ha East Kahsi Hills ha kaba la kot sha ka 1055 ngut.
Kiba dang shitom na kane ka jingpang ha ka jylla baroh kawei ki long 1098 ngut, na kine kiba don ha ki hospital ban shah sumar ki long 133 ngut, na kine ha East Khasi Hills ki don 107 ngut, Eastern West Khasi Hills 3, North Garo Hills 1, Ri Bhoi 3, South Garo Hills 1, South West Garo Hills 1, West Garo Hills 9, West Jaintia Hills 8 ngut.
