Shillong, Nailar 22: U Director ka tnad ka koit ka khiah u Dr A War u la iathuh ba mynta ka sngi baroh kiba la test COVID-19 Positive ki long 93 ngut, na kine 66 ngut ha East Khasi Hills, 21 ngut ki dei na ka kynhun shipai bad 45 ngut ki riew paidbah ha Shillong.
Ha kiwei ki District jong ka jylla kiba la test COVID-19 positive mynta ka sngi ki long West Garo Hills 9 ngut, na kine 4 ki BSF bad 5 ki riew paidbah, Ri Bhoi 2 , North Garo Hills 2, East Jaintia Hills 4 bad West Khasi hills 10 ngut ki dei na Shallang.
Baroh kiba shitom ha ka jylla ki long 1035 ngut, ha East Khasi Hills 662 ngut, ki kynhun shipai ki long 243 ngut, 419 ki riew paidbah, West Khasi Hills 28, South West Khasi Hills 1, Ri Bhoi 93, West Jaintia Hills 3, East Jaintia Hills 12 West Garo Hills 215, South West Garo Hills 4, South Garo Hills 2, East Gato Hills 3 bad North Garo Hills 12.
Kiba la koit baroh ki long 769 bad kiba la koit mynta ka sngi ki long 20 ngut, 15 ngut dei na West Garo Hills, 12 na ki kynhun shipai bad 3 ki riew paidbah, Ri Bhoi 1, West Jaitnia Hills 1, East Khasi Hills 3 ngut na kine 1 na ki kynhun shipai bad 2 ngut ki riew paidbah bad kiba iap haduh mynta ki long 7 ngut.
La iathuh ba u ba iap mynta ka sngi u dei u Ram Bashan Rai 58 snem u dei u ba la pynkynriah na Woodland Hospital sha Civil Hospital Shillong ha ka 11 tarik mynta u bnai ka jingkhlad jong u ka long ba ym lah ban ring mynsiem bad u don ruh ia ka blood pressure.
