Shillong, Iaiong 08: U Director ka tnad ka koit ka khiah u Dr Aman War mynta ka sngi u la pyntip ba mynta ka sngi la test COVID-19 Positive 25 ngut, ha Easty Khasi Hills 20 ngut, Ri Bhoi 1, East Jaintia Hills 2, West Jaintia Hills 1 bad West Khasi Hills 1, kiba shitom baroh ki long 131 ngut ha ka jylla.
Ki 20 ngut kiba la test COVID-19 positive ha East Khasi Hills ki long, 6 ngut dei kiba wan phai, 5 ngut dei kiba la wan test, 3 ngut kiba ia jan bad kiba shitom COVID-19, 3 ngut kiba shitom shimet bad 3 ngut dei na ki kynhun shipai.
U Director ka tnad ka koit ka khiah u la pyntip ba mynta ka sngi la don ba khlad sa u wei ha East Khasi Hills District bad ka jingiap jong ki briew na kane ka jingpang COVID-19 positive ki long sha ka 151 ngut.
Ka kyrteng Jong ba khlad dei kong Ritngen Marbaniang 38 snem na shnong Mawlasnai Ri Bhoi District la wan rah sha Ganesh Dad Hospital Shillong ban sumar ha ka 5/4/2021 bad la phah noh sha NEIGRIHMS ha ka ba la khlad noh ha ka 7/4/2021.
La pyntip ruh ba mynta ka sngi la ioh jingkoit u wei na kane ka jingpang COVID-19 positive bad kiba la koit baroh na kane ka jingpang ki long 13883 ngut ha ka jylla baroh kawei.
