Shillong, Jylliew 14: Ka tnad ka koit ka khiah mynta ka sngi kala pyntip ba kiba la test COVID-19 Positive ki long 403 ngut ha ka jylla baroh kawei bad kiba dang shitom haduh mynta ka sngi baroh ki long 4529 ngut.
La pyntip ruh kiba la ioh ia ka jingkoit mynta ka sngi na kane ka jingpang ha ka jylla baroh kawei ki long 487 ngut, kiba la koit baroh haduh mynta ha ka jylla baroh kawei ki long 37037 ngut haduh mynta ka sngi.
Halor ka jingkhlad noh jong ki briew na kane ka jingpang khlam COVID-19 mynta ka sngi ki long 10 ngut, da kane ka jingkhlad ka jong ki ka jingiap na kane ka jingpang ha ka jylla kala kiew sha ka 743 ngut.
Kiba la test COVID-19 mynta ka sngi katkum ki District ka long ba East Garo Hills 6, East Jaintia Hills 4, East Khasi Hills 226, North Garo Hills 8, Ri Bhoi 53, South garo Hills 9, South West Garo Hills 5, South West Khasi Hills 4, West Garo Hills 22, West Jaintia Hills 63, West Khasi Hills 3 baroh ki long 403 ngut.
