Shillong, Kyllalyngkot 30: Baroh kiba la thep nomination na ka bynta ban ia khun ia ka election MLA kaban long ha ka 23 tarik jong u bnai Rymphang baroh ki long khatar ngut ha ka sngi sdang jong ka jingthep kyrteng.
Kaba la thep nyngkong eh ia ka nomination na ka bynta kane ka election ka dei ka kong Ampareen Lyngdoh na ka seng Congress kaban ia khun na ka Shillong East Constituency, u ba long baa r ha kane ka jingthep kyrteng u dei u bah Bah John Antonio Lyngdoh na ka Mawphlang diengiei constituency jong ka seng UDP kine baroh ar ngut ki dei ki myntri ha kane ka sorkar MUA.
Kiwei pat kiba la thep kyrteng mynta ka sngi ki long u myntri ba rim ka jylla u bah PN Syiem na ka Mawphlang diengiei constituency ka kong Telinia Thangkhiew na ka Mylliem constituency kine bar ar gnut shi kpa shi khun ki la thep kyrteng kum ki kyrtong shimet.
Baroh kiba la thep nomination ha East Khasi Hills district long hynniew ngut –Ampareen Lyngdoh, JA Lyngdoh, PM Syiem, Teilinia Thangkhiew, Brastone Kharphuli na ka UDP na ka Sohiong constituency, Dr PM Passah na ka NPP na ka North Shillong constituency, Pynehborlang Mukhim na ka Congress na ka Mawryngkneng constituency, Barnabas Nongbah na ka seng Congress na ka Jirang constituency hapoh Ri-Bhoi district bad u Bah Bires B Nongsiej na ka UDP na ka Mawkyrwat constituency na South West Khasi Hills district bad uwei u wei u kyrtong na Phulbari, Rajabala bad Sesella constituency jong ka West Garo Hills district.(SP News)
