Shillong, Nailar 15: Mynta ka sngi ki paidbah kane ka nongbah Shillong kila leit ban ieng lain shuwa ka por lai baje noh phai sngi shuwa ban plie ia ka Raj Bhavan Shillong, ha kane ka sngi Rakhe ia ka sngi laitluid kaba 77 snem.
Ha kane ka sngi la iohi ba ki paidbah kila dap da ka kmen ban ioh ban ia rung ha Raj Bahvan namar kane ka jaka ka long kaba I tynnad shisha haduh katta katta, ki don ki syntiew ki skud, ki jaka shongkai ki jingialehkai na ka bynta ki khynnah.
Mynta u snem kiba kmen eh ki dei ki khynnah namar ba ki don ki jingialehkai kiba dang shu dep shna ha phylla jong ka Raj Bhavan, ymt ang ki jingialehkai hynrei ki long kum ki jingkillam met, naduh ki khynnah haduh ki rangbah.
Ha kane ka sngi lai ai sha ruh ia ki paidbah kiba leit ban jngohkai ha Raj Bhavan, kaba la pynshoh biej ia ki paidbah dei syntiew kiba bun jaid kiba phuh pynitynnad hapoh katei ka jaka sah jong u Lat ka jylla.
Ha kane ka sngi la shim kyrteng ia ki nongleit jngohkai ia ka Raj Bahvan ha kaba la shim jingkhien da kaba phah thoh kyrteng ia kiba rung bad haduh ka por ba khang ha ka por 8.00 baje mynmeit baroh kiba leit kai ki long 10000 ngut.
