Shillong, Nailar 11: Hadein ka jingpynmih hukum na ka tnat Forest ia ki briew kiba shong dukan ha hynñiew mer umdiengpun ba ki dei ban pynpra noh ia ka dukan jong ki shwa ka 31 tarik u nailar 2023 namar ba ka tnat ka donkam ban shna noh ia ka park ban long kum kawei na ka jaka jngoh kai pyrthei ha katei jaka.
Hadein ba mih katei ka hukum na ka liang ki paidbah ba shong dukan ha kitei ki jaka rynkat ka jingsynran lang ka seng United Hynniewtrep Movement UHM mynta ka sngi ka 11 tarik u nailar 2023 ki leit ban kynduh ia u heh duh jong ka tnat Forest u R S. GILL u ba dei u principal chief conservator of Forest & HOFF ban pynpaw ia ka jingiakynduh jingeh jong ki longkmie.
Haba kren sha ki ladpathai khubor na ka liang u president ka seng UHM u bah Charlie J Rani u la ong, katkum ka jing iathuh u PCCF, katei ka jingbeh jong ki ka dei namar ba ki don jjngthmu ban shna ia ka park bad na liang ka seng haba ia dei bad kata kam don kano kano ka jingpyrshah ia ka jingthmu ka forest hynrei ka jingiakynduh jong ki mynta ka sngi, ka long ba ka tnat ba dei peit ka dei ban shah ia kitei ki longkmie kin ioh die dukan ha khmat katei ka ka park.
Ha ka juh ka por na ka liang une u nongialam ka seng u la kynthah ia ka bor ba dei peit, da kaba u la ong ba lada ia ki wei ki ai jaka ban shna ki ingmane Blei kum ba long ka Mahadev Khola balei ia ki jong la jong. Ka sorkar kam lah ban ai lem, u la ong ruh ruh ba lada ka sorkar ka lah ban ai jaka ia ki briew ba nabar ban shna ingmane Blei ka dei ruh ban ai lang ia ki balang bapher kiba don ha ri khasi jantia.
Shuh shuh u bah Charlie J Rani u la ong halor ka jing kynnoh ba kine ki long kmei ki ba shong dukan ha katei ka jak ki shong baeiñ, na ka liang ka seng ka ong, haba ka tnad forest ka ai temporary ia ki ban shnong dukan, kam dei ka jing shong ba-ein. Halor kane na ka liang u PCCF u la ong ba u khlem lah ban leh ei, hynrei kin hap ban dang ia shong pyrkhat shwa bad ka sorkar rynkat ka tnat Forest.
