Shillong, Naitung 27: Ka tnad ka koit ka khiah kala pyntip ba haduh 10 baje mynta mynstep baroh kiba la test COVID-19 positive ki long 19 ngut na kine 17 ngut ki dei ki riew paidbah, 15 ngut ha East Khasi Hills district, 1 ha East Jaintia Hills bad u 1 ha West Garo Hills district. Kiwei ar ngut pat, 1 BSF bad 1 Air Force.
kiba shitom COVID-19 mynta ka sngi kala hiar sha ka 543 ngut, kiba la koit baroh kila kiew sha ka 173 ngut, kiba la koit mynta ka sngi ki long 38 ngut, na kine 26 ngut ki shipai BSF bad 12 ngut ki riew paidbah.
Ka jingdon kiba shitom katkum ki district haduh ka por 10 baje mynstep ki long, East Khasi Hills ki don 441 ngut, ki BSF ki don 245 ngut, riew paidbah ki don 170 ngut bad ki kynhun shipai ki don 26 ngut.
Kiwei ki district, West Khasi Hills 3, East Jaintia Hills 14, West Jaintia Hills 10, Ri Bhoi 50, West Garo Hills 16, South West Garo Hills 4, South Garo Hills 2 , North Garo Hills 2 bad East Garo Hills 1.
